الهارمونيك طريقك للمليون بإذن الله - الصفحة 12

**ناشيء الفوركس** · 31-08-2008, 02:44 AM

اقتباس:

المشاركة الأصلية كتبت بواسطة Mr. Forx

الواحد لازم يقرة الكتاب كلو الاول وبعدين يقدر يرسم براحتو

يا حبيبي انت ليش مستعجل الموضوع واضح ومش محتاج تقرأ الكتاب ولا حاجه الموضوع شرطين بسيطين جدااا لو قرأت الشرح تاني هيكون أحسن
وانت الغلطه بتاعتك في الشرط التانى لانك ما تأكدت من النقطه C عادي ايه المشكله

mohamed maher · 31-08-2008, 03:21 AM

منتظر تعليقك على الشارتات1/2/3 ....وشكرا حبيبى على مجهودك ......

**ناشيء الفوركس** · 31-08-2008, 03:23 AM

اقتباس:

المشاركة الأصلية كتبت بواسطة ناشيء الفوركس

بسم الله الرحمن الرحيم وبه نستعين

اللهم لك الحمد كما بنبغي لجلال وجهك وعظيم سلطانك علي نعمك التي لا تعد ولا تحصى ونسألك التوفيق والسداد
وأقدم هذا العمل خالصا لوجه الله تعالي ولا أطلب في المقابل الا دعوة بظهر الغيب من أخواني الاعزاء وعلي بركه الله نبدأ وفقنا الله لما يحبه ويرضاه

طبعا في البدايه أحب اوضح اني لسه مبتدأ في هذا السوق وخبرتي لا تتعدي بأي حال من الأحوال 7 أشهر ولكني سأشرح موضوع صعب جدااا وأحاول تبسيطه وعدم الدخول في تعقيدات ومسميات وفلسفه حتي نعرف من اين تؤكل الكتف زى ما بيقولو وصدقوني هذه الطريقة والمعلومات كافيه جدااا لعمل بنظام الهارمونيك دون زياده عليها فسامحوني في أي تقصير في شرحي هذا وان شاء الله ربنا يوفقنا جميعاااا وكل عام وأنتم بخير

في البدايه تابعت المؤشر والفرص التي تظهر والتي بنسبه 80 % منها تكون صحيحه وبستوب صغير أيضا والتي أحيانا تكون ارتدادات بسيطه تصل الي 50 -100 نقطه وسألت نفسي لماذا لا أحاول ان ارسم النموذج بدل المؤشر بالتالي أستفيد بنقاط أكثر وخرجت ببعض الملاحظات اشارككم فيها لتعم الفائده بإذن الله ونحقق أهدافنا جميعا

ان شاء الله قرأتم موضوع المختصر المفيد في الهارمونيك وتعرفتم علي الخطوط العريضه للموضوع ونسب التصحيح الاضلاع وغيرها كل حسب استطاعته ، كان الهدف من القراءة ان تأخذوا فكرة وتعرفوا بعض المعلومات عن نماذج الهارمونيك وأعتقد ان شاء الله قرأتم جزأ من الموضوع وفيه ناس كمان بتسأل عن الفرص وان شاء الله نبسط الموضوع وتدريجيا سوف يتطور الاداء والملاحظات علي هذه النماذج ويتكامل الاداء ان شاء الله

طبعا في البدايه انسوا حاجه اسمها اسماء النماذج ونسب التصحيح وكل الكلام ده احنا أهم حاجه عندنا هي شروط النقطتين B و C زي ما هنشوف في الشرح

من خلال ملاحظتي لحركة السوق فان السعر يتحرك في موجات فليس معني هبوط قليل من النقاط هو البيع وليس معني صعود بعض النقاط أمر شراء فالسعر يتحرك في نطاقات سعريه محدده يطلق عليها في مفهوم التحليل الفني مقاومات ودعوم ولكن نحن في الهارمونيك نتحدث عن مجموعه من النقاط ونسب فيبوناتشي تقوم مقام المقاومات والدعوم ( طبعا لو نمزج التحليل الفني والنماذج العكسيه والدايفرجنس مع الهارمونيك يبقي انت خلاص وصلت وان شاء الله تنسي الخسائر الي الابد )

ملاحظه : في حاله الكتابه الجانبيه في الصور مش واضحه اضغط بالفاءرة كليك يمين ثم أختار save image as او view image

من خلال متابعتي للسوق لا حظت أن الحركه لا تخرج عن نموذجين كما هو موضح بالشارت

أهداف هذه الطريقه :

مرة ثانيه أؤكد ان الطريق تستخدم للتنبوء أساسا بالضلع CD ثم نتابع باقي موجات الحركه وليس الهدف الاساسي هو الدخول في صفقات المؤشر

الطريقه :

1-- المؤشرات المرفقه يتم الاستفاده منها فقط في تحديد الزجزاج المناسب لرسم النقاط ولكنها أحيانا لا تحتسب بعض النقاط وستلاحظون أحيانا اني ارسم نماذج ونقاط مختلفه عن الزجزاج ( نقطه بالكثير ) وهذا الامر يحتاج الي تدريب ووقت وان شاء الله ليس بالكثير

2- نقوم برسم النماذج ومحاوله توقعها كما سيتم الشرح وهذا هو الجزء الاساسي في هذه الورشه

كيف نتنبأ بالنماذج ونرسمها :

الشرح سيكون بشارتات مباشرة حتي يكون أوضح

أي نموذج هيكون مكون من 5 نقاط طبعا عارفينهم ( X –A - B- C- D )
وهدفنا من النموذج هو توقع الضلع CD كما هو موضح في الشارت السابق

طيب ازاي !!!!!!!!!

تابع معي

الشارت الأول : أهم شروط صحة نموذج الهارمونيك الذي نتوقع حدوثه

الشرط الأول : النقطة B لا تتجاوز بأي حال من الاحوال النقطة X ولا تساويها وبذلك يكون الرقم المكتوب من النقطة B الي الضلع XA اقل من 1 دائما

الشرط الثاني : النقطه C لا تتجاوز النقطه A باي حال من الأحوال ولو بنقطه واحده ولكن قد تساويها وبذلك الرقم المكتوب من النقطه C إلي الضلع XA اقل من أو يساوي 1

تمام كده دول أهم شرطين لصحه الرسم بأكد عليهم كل مرة الغلطه بنموذج أي كلام
مش عايزين الناس تضحك علينا ابوس ايديكم ركزوا معايا

طبعا الرسم واضح ندخل علي الشغل التقيل بقي ونشوف شارت فاضي من غير نموذج يا تري هنعمل معاه ايه

1-نفتح شارت مثلا زي الشارت ده
2-نحدد النقاط X - A -B وننتظر وصول السعر للنقطه المنتظرة Cحسب الشرط السابق لها ونأخذ الصفقه في اتجاه النقطة D والستوب طبعا النقطة A

ايه يا عمي الكلام اللي بتقوله ده والنقطه D نحددها ازاي ؟ والا نجيبها منين ؟
ماشي يا عم عندك حق النقطة D نحددها كالاتي :
ارسم فيبوناتشي من النقطة B الي النقطة C والهدف ان شاء الله أولا النقطة B وفي حاله الكسر الهدف يكون مستوي 161 فيبوناتشي

كما في الشارت

والهديه هي انك تجد المؤشر اظهر لك النموذج وتحصد الربح ان شاء الله

بالنسبه لخطوط فيبوناتشي فهي تعتبر مستويات مقاومه أو دعم للسعر في حاله كسرها أو الارتداد منها خصوصا خطوط رقم 61 - 100 - 161 - 261

الان بعض الامثله لنماذج انتهت بالفعل وأمثله علي المقاومات والدعوم

ويلاحظ في الشارت الاول والثاني ان المؤشر لم يظهر مع ان النموذج حقق الهدف وهذه ميزة الشغل اليدوي

طيب ماذا لو تجاوزت النقطة C النقطة A هيضرب الستوب أكيد طيب خلاص كده يعني ؟؟؟

مبدئيا خلاص كده يعني لحد ما نتقن هذه الطريقه في الاول وهي ليست بالامر السهل افتحو ا الشارتات وركبوا المؤشرين وحاولو تجربوا استنتاج النماذج حتي اللي انتهت للتدريب قبل ما نبدأ في الجزء الثاني ان شاء الله

وما تنسوش هيكون فيه أختبار بسيط علشان نشوف ايه النتائج

وربنا يوفقكم جميعا وان شاء الله انا مستعد لأجاوبكم علي أي تساؤل ونرفق شارتات ونراجع مع بعض الشروط لحد ما نتأكد من اتقاننا للطريقه ثم ننتقل للجزء الثاني من الموضوع

وربنا مع الجميع ان شاء الله

ورمضــــان كريــــــم

طيب لحد ما تحاولو ترسموا النموذج المطلوب هنجدد الشرح وشويه شارتات قديمه توضح عمل نسب فيبوناتشي كمقاومات ودعوم

فوركــfmس · 31-08-2008, 03:26 AM

طيب رأيك يا أستاذ نا الفاضل بهذا الرسم هل هو صحيح من أول محاولة

moga · 31-08-2008, 03:28 AM

معاك للمليووووووووون .. ومليون شكرا

**ناشيء الفوركس** · 31-08-2008, 03:32 AM

اقتباس:

المشاركة الأصلية كتبت بواسطة فوركــfmس

طيب رأيك يا أستاذ نا الفاضل بهذا الرسم هل هو صحيح من أول محاولة

الرسم صح بس النسب غلط
برضه مستعجل وراسم نسب فيبو غلط الرسم من B الي C

فوركــfmس · 31-08-2008, 03:44 AM

طيب يا أستاذ رايك بالرسم بعد التعديل

محمود علي · 31-08-2008, 03:58 AM

عزيزي ناشئ الفوركس
(ولو اني مش مقتنع بحكاية ناشئ دي

)

كل عام وانت بخير ورمضان كريم ان شاء الله علينا جميعا

موضوعك بامانة الله جميل من الالف الى الياء ويستحق القراءة
وبما ان نماذج الهارمونيك تحب مستويات فيبوناتشي
لقيت لك زوج يقدس الحياة الزوجية (قصدي مستويات فيبوناتشي

)

افتح شارت اليورو/ فرنك على الاربع ساعات واتفرج على الادب والاخلاق

وبالنسبة لليورو/ ين هو طيب وحنين على الربع ساعة انما اكتر من كده ممكن يندل معاك

ولي عودة ان شاء الله بعد القراءة والتمعن في كلامك الجميل
وهتتهري أسألة

ولك محبتي

amr s khadr · 31-08-2008, 04:21 AM

اقتباس:

المشاركة الأصلية كتبت بواسطة فوركــfmس

طيب يا أستاذ رايك بالرسم بعد التعديل

الهدف فوق مش تحت(شراء مش بيع)

hard_revenge · 31-08-2008, 05:04 AM

السلام عليكم ورحمه الله وبركاته اخى العزيز انا كنت قريت عن الهاومونيك نمبر HARMONIC NUMBER وانه لكن سوق فى بعض الارقام بتتكر بوضوح فى الحركه بتاعتها فهل تعرف عنها حاجه وشكرا والسلام عليكم ورحمه الله وبركاته

aljooore · 31-08-2008, 09:21 AM

ان شاء الله هالنماذج اللي طلعت معاي تمام

1- بالاحمر نموذج ab=cd
2-نموذج بالورديتكون فيه نقطة a عند الرقم 7 ويشترك مع نموذج اخر في المنطقة المظلله بالوردي الغامق
3- نموذج بالوردي 2 تكون فيع نقطة a عند الرقم 5 ويشترك مع النموذج السابق في المنطقة المظلله بالون الوردي الغامق
4- نموذج ماخذ مثلث اصفر حيث نقطة x راح تكون عند رقم 7 وماخذ مثلث ازرق حيث نقطة b تمثل رقم 5
ونقطة d تمثل رقم 3
5- النوذج باللون الاصفر
6-الاخير هو النوذج الازرق

ان شاء الله اكون حددت النماذج صح

**ناشيء الفوركس** · 31-08-2008, 09:29 AM

اقتباس:

المشاركة الأصلية كتبت بواسطة Mr. Forx

اخي ناشئ القمتين في مستوى واحد تماما فهل نعتبر هذا هارمونيك

اقتباس:

المشاركة الأصلية كتبت بواسطة فوركــfmس

طيب يا أستاذ رايك بالرسم بعد التعديل

تمام مضبوط بارك الله فيك ( طبعا دي مش فرص دخول ولا حاجه بس تدريب

اقتباس:

المشاركة الأصلية كتبت بواسطة محمود علي

عزيزي ناشئ الفوركس
(ولو اني مش مقتنع بحكاية ناشئ دي

)

كل عام وانت بخير ورمضان كريم ان شاء الله علينا جميعا

موضوعك بامانة الله جميل من الالف الى الياء ويستحق القراءة
وبما ان نماذج الهارمونيك تحب مستويات فيبوناتشي
لقيت لك زوج يقدس الحياة الزوجية (قصدي مستويات فيبوناتشي

)

افتح شارت اليورو/ فرنك على الاربع ساعات واتفرج على الادب والاخلاق

وبالنسبة لليورو/ ين هو طيب وحنين على الربع ساعة انما اكتر من كده ممكن يندل معاك

ولي عودة ان شاء الله بعد القراءة والتمعن في كلامك الجميل
وهتتهري أسألة

ولك محبتي

ان شاء الله تكون عضو فعال معانا ونستفيد بخبرتك وتحت أمرك ان شاء الله

اقتباس:

المشاركة الأصلية كتبت بواسطة amr s khadr

الهدف فوق مش تحت(شراء مش بيع)

النموذج المرسوم صحيح وهو قصده الهدف النهائي للنقطه D

مش الصفقه المفروض ندخلها بعد انتهاء تكون النموذج

**ناشيء الفوركس** · 31-08-2008, 09:36 AM

اقتباس:

المشاركة الأصلية كتبت بواسطة hard_revenge

السلام عليكم ورحمه الله وبركاته اخى العزيز انا كنت قريت عن الهاومونيك نمبر HARMONIC NUMBER وانه لكن سوق فى بعض الارقام بتتكر بوضوح فى الحركه بتاعتها فهل تعرف عنها حاجه وشكرا والسلام عليكم ورحمه الله وبركاته

للاسف ما عنديش فكرة عنها

ابوعبدالله2008 · 31-08-2008, 09:38 AM

صباح الخير أستاذي

أتمنى التصحيح

**ناشيء الفوركس** · 31-08-2008, 09:49 AM

اقتباس:

المشاركة الأصلية كتبت بواسطة ابوعبدالله2008

صباح الخير أستاذي

أتمنى التصحيح

الرسم صحيح يا ابو عبد الله بس ناقص والرسم الكامل موجود في مشارمه الاخ محمود ماهر ( مشاركه 158 ) وهذا الرسم أيضا يعني انا كنت عايز تصور للحركه علي فريم واحد لو كسر مستوي كذا هيطلع الي الهدف كذا ولو ارتد من مستوي كذا هينزل الي كذا