بسم الله الرحمن الرحيم
قصيدة جميلة للشاعر سعد العتيبي ينشدها سمير البشري
YouTube - شاهد من هنا
YouTube - ظٹط°ظƒط±ظ†ظٹ
يذكرني رحيلك مجلس باق على حله
مداهيل الرجال اللي تنومسنا مواطيها
هنا سليت سيف يوفي الثارين من سله
هنا علقت رمح يطعن الجوزا ويطفيها
هنا بينت مصحفك الكريم ودلنا دله
معك نبدا مواعيد الكلام وننتهي فيها
هنا ساقيت غصن من غلا كنا تحت ظله
نسولف بالغنى يا بايع الدنيا وشاريها
هنا كان الرجال اجبال ما تقبل خنا الزلة
عمايمها سحاب وابلة باقي مواضيها
رجال لو تشوف الماء غدر ما شربته لله
نبت عشب الرضا ياسيدي بأول مغازيها
هل التوحيد وكنوز العلم ونصرة المله
رجال يضحك لها التاريخ لولها وتاليها
هنا ماضيك ورياض الخيل للي رعى خله
شربنا عذبه مدري لعبنا في مغانيها
هنا تخنقني العبرة وانا اكتب يارسـول الله
على قبرك نسيت الناس..حاقدها وحانيهـا
وابو قبر يتيه من الفخر بالبيد وتجله
على حسد تبين من سمايمها وصاليها
ويهناك الوفا... قبرٍ يضمك... في ثرى.. تله
مدامه بين فردوس الجنان... وبين منشيهـا
وانا لامن ذكرت فراقك .اللي في يدي غله
نسيت ان الليالي ..شيبتني ..من بلاويهـا
على بعد الزمان... اللي يعقد الحبل .ويحله
ليامني ذكرتك.. طاحت الدمعه..وراعيهـا
سلام الله ما هز الصبا نسرينه و فله
على الطفل اليتيم اللي عطى الدنيا معانيها
16-07-2008, 08:35 PM
اللهم صلي وسلم وبارك على حبيبك محمد سيد الخلق 
