المشاركة الأصلية كتبت بواسطة jnene اعمل مثلي أخي الكريم خلي شغلك بشكل موجات 5 موجات صاعده أثناء أيام التداول وموجتين هابطتين في الأجازة وأرسم عليهم ترند حياتك وحاول أن لا ينكسر هذا الترند ولازم يكون عندك مقاومة شرسة للعمل والباك تستات أثناء ايام الأجازة لو التزمت بهذه الشروط وشوية أدارة سليمة للوقت حتخرج كسبان 100 % لكن كسبان أيش والله مابعرف الله يكون بعونك وعوننا جميعا

كلامك يا باشا بيحسنى أنى بخير والله
ده أنت فى المستوى 14
وداخل على الوحش
الحمد لله أنا كده فى المستوى 3

المشاركة الأصلية كتبت بواسطة nabil_thalji نفس الشعور يا صديقي الفوركسي ههههههههههه

شعور أيه يا باشا ده الصوره ألى انت حاطيطها
مش شايف فيها أى شعور
ولا شعرة يا راجل
ده كلام
هاهاهاهاهاهاها

منور والله
الحال من بعضة

المشاركة الأصلية كتبت بواسطة Samir A كلكم عســـــــــــــــــــــل .................

والله أنت ألى عســـــــــــــل
بس عاوزين شوية طحينة مع العيش السخن ونديها
ونلغوط براحتنا

قمة خفة الدم

بصراحة موضوع خفيف الظل و بالروح المصرية الجميلة ...

ممتع جداً و خيال واسع


شاكر لك

رجعت تانى ومش عارف أقول أيه
الصيف دخل والدنيا حر قووووووووى
وقلت يا واد خذ مراتك والولد ( كوكو) وعلى أسكندرية وغير جو
المهم فتحت اللاب توب وعملت تحليل سريع للرحله
دخول بكام ( فى سرك ربنا يستر )
أستوب كام ( أنتو عارفين الخروج مع العيله مالوش أمان زى السوق بالضبط )
هدف كام
( خسارة هنا طبعاً بس على قلبى زى العسل)

توكلت على الله
وجهزت ( جى جى ) السيارة بتاعتى معلش بحب أدلعها
وفى محطة البنزين وقفت كتير قوى أمام عداد الطلمبة
معرفش ليه فكرنى بالمجنون وهو بيجرى
والله نسيت نفسى وأصبنى أحباط رهيب
خصوصاً مع العدادات الديجتال ديه تحس أنك فى صفقة
حصلى صدمة ووقفت العداد
هاهاهاهاهاها
أشم نفسى شويه خلاص الأعصاب بقت هباب
أه كله غرامة أستر يا رب

مراتى كانت بتجهز السندوتشات والبيبس والشيبس لزوم السكه
لازم تدلعنى شويه
ماهو خلاص هى أقتنعت أن أيامى معدوده فى الدنيا من ساعة ما دخلت الفوركس
جميع الأمراض الفوركسية زارتى
بس الحمد لله أهم حاجه لسه ما تأثرتش
هى مش ناقصه فضايح
هاهاهاهاهاها

المهم
ركبنا ( جى جى )
ولبست النظارة وعملت فيها مهم
وعلى الصحراوى وأديها يا معلم
الحمد لله كل عدادات السيارة معطلها
فى سركم أى أرقام بتتحرك أمام بتصبنى بالأحباط
بس طبعاً للأمان كل مبينات الأنذار شغاله
فوركسجى حريص
هاهاهاهاها
عارفين أنا نفسى أركب شاشة ( LCD ) فى السيارة
واوصلها بالموبيل على الفوركس
تبقى حكاية والله
قريب أدلع ( جى جى ) وأظبتها أن شاء الله

المهم أنا نسيت أقول ليكم أن هدفى الأساسى من الرحله دية
الحصول على ( أستراتجية الولد كوكو )
الزباله عاوز يبيع لى الإستراتجية بـ 1000$
وزياده فى المصروف مدى الحياه
أنا مش عارف الولد الزبالة ده طالع لمين
( مع أحترامى لكوكو طبعاً )

على أول الصحراوى شفت الأهرام
بالضبط على شكل موجات أليوت
من جميع الأتجاهات
عاملين 3 هاى بالتمام
يعنى موجه خماسية
سبحان الله
والله أنا حاسس أن أليوت ده زار مصر وشاف الهرم
وأخترع نظريته العظيمه ديه
وأحنا هنا من 3000 سنه
فى البنج نروح نركب خيل وخلاص
هاهاهاهاهاها

ــــــــــــــــــــــــــــــــــــــــــــــــــ ـــــــــــــــــــــــــــــــــــــ

فى الكيلو 50
كمين
الرخص يا باشا
ليه
أنت ماشى على 150 كم/ ساعه
500 جنية غرامة من أولها
حـــــــــرام
بصراحه أنا كنت حاطط أستوب على 2000 جنية للرحله
كده قررت أشتغل بالتريلينج أستوب
ربنا يستر والأسبوع يعدى من غير مارجن كول

الإدارة الحاسمه هى سر النجاح
هاهاهاهاها
طبعاً حاولت أفوت كومشن لأمين الشرطة
لكن تقول أيه الراجل يظهر مش عامل ( أى بى )
رأسة وألف سيف ياخد الأسبيرد كله
هاهاهاهاها

وصلنا الحمد لله
أسكندرية
يا سلام على أسكندرية
وهواها
بالدنيا والله
روحك ترجعلك كده وأنت بتشم ريحت بحرها
وتمشى على الكورنيش

المشاركة الأصلية كتبت بواسطة short [center][color=red] يتبع

المشاركة الأصلية كتبت بواسطة المناهل لما تاخذ واحد بالحضن وتبكى على كتفه لانه فوركسى تبقى وصلت لما تجر رجل زوجتك الى الفوركس تبقى وصلت لما تركض الساعة 12.10 على الدرج حتى تشوف افتتاح السوق ثم تكتشف انه صباح الاحد تبقى وصلت غير كده تبقى بتلعب ومش حتاخد الجنسية الفوركسية

المشاركة الأصلية كتبت بواسطة نور المصرى مستنينك شكلك مارجنت ياباشا

المشاركة الأصلية كتبت بواسطة نور المصرى مستنينك شكلك مارجنت ياباشا

من أول يومين يا غالى
أختراع ماكينات السحب ده خراب بيوت
زى شحن الحساب بالفيزا كده
عديها على خير يا رب

المشاركة الأصلية كتبت بواسطة سمير صيام المارجن يبقى معاه باقى الفلوس من المارجن لكن فى الحالة بتاعته دى اصبح ابيض مش نافع حتى يتحول الى ميكرو

منورنا يا باشا والله
الألوان راحت أصلاً مش شايف أبيض ولا أسود ولا رمادى
طيب حق اللوطات للغلابه
مافيش
مراتى بروكر حرامى
حكم القوى على الضعيف
مع أحترامى لها ومودتى
بس برده على قلبى زى العسل
ربنا يخليها ليا

بدايه السلام عليكم ورحمه الله وبركاته
سلامى اولا لكوكو الفوريكساوى الصغير

والله انت بتفتح اليوم موضوع وايد حساس
عن جد كل متداول يحب الفوريكس تراه مثل العاشق الولهان
يسهر الليل تيرى تزبزب الشموع وين تتحرك المؤشرات
يراقبها حتى بجواله فى كل مكان
وما بيحس سالفه الانتظار الطويل امام الحاسوب انها متعبه
وممكن يكون ما بينام يوم قبل مع العلم ممكن يكون واضع اوامر ستوب لوز وتيك بروفت

كان الله فى عون كل متداول فينا
بس للحين ما نعرف شنو الحل ويش نسوى فى هالسالفه
يارب تجدون حل لها

أسكندريه ماريه وطربها زعفران
ما أجمل روائح بحرها
يود يا معلم ليه سبع فوايد فوركسية
وفائده منزليه
هاهاهاهاهاهاهاهاها

المهم
نقول حمد لله على السلامه
أنتوا عارفين أنا ليا زكريات كتير هنا
حتى أول معرفتى بالفوركس كانت هنا
سبحت فى الموجات الفوركسية فى اسكندريه
صحيح أنا كنت لسه ما بعرف أعوم مع الموجات
بس كنت لابس لايف جاكت
هاهاهاهاهاهاهاهاهاهاها

والله كانت ايام حلوه
مراتى طول السكه قاعده على دماغى
( عاوزين هديه لطنط فوفو - لازم نزور أونكل بطابيطو بعد خروجه من المستشفى - ماما مستنيانا للعشاء معاها اليوم ...................... ألخ )
طبعاً أنا راسم الأبتسامة السحرية بتاعتى وكبر يا معلم لو سلمتها دماغى قول يا رحمان يا رحيم
هاهاهاهاهاهاهاهاهاها
الولد كوكو طول السكه ماسك كشكول وعمال يشخبط فيه طول السكة
طبعاً انا حموت وأعرف بيكتب أيه
فى سركم فى الرست سرقت الكشكول وعلقنى
وقالى يا بابا عيب ديه اسرار عملاء
عملاء يا نهار اسود
الولد ضاع يا رجالة
عملاء ايه يا ولد
بكره تعرف يا باب وتفتخر أن ابنك هو كوكو
ونظر لى نظره لا أنساها بتقول بعينك
هاهاهاهاهاهاهاها

مش عارف العيال ديه معجونة بمياه عفاريت ولا ايه
ده أحنا كنا عيال هابله قوى والله
جيل مهبب

رحنا على حماتى المصيبة أسف العظيمة
لحسن تكون مشتركه فى المنتدى هى كمان
معلش حكم القوى على الضعيف
بصراحه أنا عارف ميولها النتوية
بس هى فى الشات على طول

أخبار العشاء أيه يا طنط
طبعاً صاحبكم ميت من الجوع ومعشم نفسة بالمحمر والمشمر
والمقلى والمشوى ويا سلام لو فيه شوربة جمبرى

المهم الست ما قصرت هو صحيح الأكل كله دليفرى
تمام زى المدام هو جى من بره
هاهاهاهاهاهاها

طبعاً لازم عمكم الفوركسجى يفتح الشارت ويبص شويه على الأسعار
الجرعه مهمة وأهى فرصة لحد ما العشاء ينزل
والمدام تزغرلى من بعيد بصات توعد
عدى الليله على خير يا رب

الولد كوكو جلس بجوارى
وقالى على فكره يا باب أنت لازم تغير البروكر بتاعك
لأن القوانين الكنديه حتطبق فى القريب على سماسرة الولايات المتحدة
يا نهار اسود

طيب يا سى كوكو ايه الحل
شوف يا باب أنت لو متمسك بالبروكر بتاعك ومستريح نفسياً لمنصة التداول بتاعتة
أفتح معاه بس فى فرع أنجلترا أحسن
أمان هناك أكتر

ده نهار مهبب وبنيلا
الولد ده جاب الكلام ده من فين
( ده 10 سنوات )

أنا بدأت أشك أن الولد ده فاتح مينى لايف أكونت ولا حاجه كده
بس لو علقته نهار أبوه اسود وبهباب
هو وأمه
هو حيجيب الفلوس من فين يعنى
ومالأكونت حيكون باسم مين يعنى


المهم شفت التريدات كله تمام والحمد لله
وتخلصت من صفقة المجنون
الواحد مش فايق له

عشاء تمام الحمد لله
ونوم متين وأحلام فوركسية كالمعتاد

طبعاً الأكل كان كابس على نفسى وفيه صفقات مفتوحه
مش عاوز أقول أنا شفت ايه فى أحلامى
يا حفيظ يا رب
اللهم ما أجعله خير

أحنا طالعين على الساحل الشمالى غداً
مع الست حماتى

نلتقى هناك بإذن الله

المشاركة الأصلية كتبت بواسطة mmhak1987 بدايه السلام عليكم ورحمه الله وبركاته سلامى اولا لكوكو الفوريكساوى الصغير والله انت بتفتح اليوم موضوع وايد حساس عن جد كل متداول يحب الفوريكس تراه مثل العاشق الولهان يسهر الليل تيرى تزبزب الشموع وين تتحرك المؤشرات يراقبها حتى بجواله فى كل مكان وما بيحس سالفه الانتظار الطويل امام الحاسوب انها متعبه وممكن يكون ما بينام يوم قبل مع العلم ممكن يكون واضع اوامر ستوب لوز وتيك بروفت كان الله فى عون كل متداول فينا بس للحين ما نعرف شنو الحل ويش نسوى فى هالسالفه يارب تجدون حل لها

والله الحال من بعضة يا صديقى
أنا بسعى جاهداً لمعرفة إستراتجية ( كوكو )
دعائك لى بالتوفيق

يوضع سره فى أضعف خلقه