السلام عليكم و رحمة الله احلى شباب.
كل اسبوع و انتم طيبين و ان شاء الله الاسبوع الجاى يكون احسن من السيئ(بالنسبة لى) اللى فات.
ياريت لو نحاول كلنا ندخل فى صفقات بحيث تكون تحليلاتنا للجميع و يتم حساب النقاط المحققة فى كل فترة..عسى الله ان يجعلنا سببا فى نفع الناس.
و اهو تبقى منافسة و فصول تقوية لينا كلنا.
و كبعا الورشة غنية عن تعريف الناس اللى فيها و قدرتهم على مساعدة اخوانهم و نحاول نشيل عنهم من مصايب الاسبوع اللى فات و اللى قبله.
طيب نخش فى المفيد عشان مطولش!
طبعا اللى جاى هى وجهة نظرى و اكيد كلنا حنتناقش فى وجهات نظرنا.
ساتحدث عن الازواج اللى انا بضارب عليها و رؤيتى للاسبوع القادم.
1-الباوند - دولار.
طبعا ده كابوس الاسبوعين اللى فاتوا..الزوج طير اصفار كتيرة من حسابات.
عامة انا شايف ان الكلام عن تصحيح و صعود و كلام من ده دلوقتى يعتبر شيء من الهرطقة او عواطف فوركسية عشان اللى داخل شراء من مستويات اعلى.
واضح وضوح الشمس بعد اغلاق الاسبوعى ان الزوج كسر الترند الصاعد خلاص..ممكن شوية تصحيح او اعادة اختبار للترند المكسور لكن الانهيار لازال هو القائم.اعتقد اننا سنعبر الى مستويات 1.72-1.75 خلال الشهر القادم.
احتمال الصعود للتصحيح وارد جدا و اعتقد ان لا يتعدى مستويات
1.89 على اى حال ,,لا انصح بشراء الزوج و لو كان بنص التمن حتى.. البيع مع كل تصحيح بعد ظهور الشمعة الانعكاسية للهبوط.
الدولار حيهد حيل الاسترلينى فى الشهر ده و الله اعلم,
2- اليورو ين.
اعتقد ان الزوج دخل مرحلة رينج مرهقة الحركة بين 164.50 و 161.50
كسر اى منهم سيكون له رحلة اما لاعادة اختبار الترند الصاعد المكسور عند 168 مرة اخرى او الهبوط الى 158 و بعد كده نجيب الزوج من تحت الارض.
مفيش وجهة ثابتة الان الا الرينج الرخم.
3-الدولار فرنك.
الاغلاق فوق 38 فايبو يوحى بالمزيد من الصعود مع توافق نظرة هبوط الكيبل فالصعود الى مستويات 1.1100-1.1150 وارد جدا فاذا اخترق فالزوج الى مستويات 1.1500 ان شاء الله.
ما يعكر صفو هذه الفكرة هو ظهور شمعة شهاب على الدايلى و طبعا شهاب على الدايلى خطيرة جدا و التعامل معاها فى رزق وفير.
عامة مع الافتتاح سنعرف الى اين الوجه اما لتصحيح كل وجهة الصعود ام الى الهاى السنوى الجديد و المستويات المنشودة.
4- الدولار ين.
برضه فى ناس كتير بتتكلم و بتقول افلام اكشن عن هبوط و انهيار الدولار ين و مين يبيع و مين يزود مع ان الزوج ماشى فى حاله على ترنده الاسبوعى و اغلق عند 110.47 فوق المقاومات الدايلى بشياكة وواخد بعضه و على 114 عدل (112.00-112.50 مبدئيا).
و برضه الناس بتبيع و برضه الساحر طالع.
و برضه هبوط الكيبل يعنى صعود للدولار ين.
المهم موعدنا عند 112 ان شاء الله.
طبعا الناس زهقت من كتر الكلام ,اعتذر طولت عليكوا
مع الافتتاح لينا كلام كبير و اهداف و دخول و خروج ان شاء الله.
الله كريم.
16-08-2008, 03:00 AM
رد: ورشـAT207 ـــــــة 
كده تجـريح 
