فعلا شات الموقع حقهم غريب لانه ما يردوا عليك الا بين كم مره محاوله مره والاغرب من هذا اني صار لي اسبوع اتصل لهم على رقم الشركه في اوقات دوامهم وغير اوقات دوامهم يعني تقريبا جربت كافة ساعات الـ 24 ساعه وما فيه احد يرد وبعدها راسلتهم على الايميل علشان اتأكد من رقمهم وصحته لاني شكيت نفسي ان يكون الرقم خطأ وردوا علي في اليوم التالي ان الرقم صحيح ويجب علي الاتصال في ساعات الدوام الرسميه وواتصلت بدون فايده ورجعت دخلت على الشات حقهم مره ثانيه وقال الموظف العربي اني اتصل بعد ساعتين واني سأجد من يرد على اتصالي وسألته عن عدم ردهم لي في الايام السابقه وقال انه كان عندهم اجازة رسميه محليه وكانت جميع مكاتبهم مغلقه وانا الصراحه سكتت لكن ما اقتنعت بجوابه وحسيت بشيء ولما اتصلت بعد ساعتين رد علي شخص عربي وبديت اسأله عن بعض الاسأله وما ادري ليش حسيت انه هو نفسه اللي كان معي على الشات حق موقعهم وجربت بعد يومين اتصل للفضول فقط في وقت دوامهم ولما يجاوب احد.............!!!!!!
اما بصراحه عن مميزاتهم فهي فضيعه ومغريه جدا وجربت الديمو عندهم وكان ممتاز برنامج سهل تنفيذ سريع وحساب اسلامي وكل شيء فيها احسن مايكون وانا شخصيا ناوي ألغي تعاملي مع الشركات الاخرى وافتح مع هذه الشركه لكن اللي مأخرني هو اني متخوف من مصداقية هذه الشركه بعد ماحكيت لكم عن قصتي مع خدمة العملاء حقهم واني سألت عنها عند شباب وقالوا انهم ماسمعوا بها من قبل

ياشباب ارجوا ان تفيدوني عن مصداقيتها وعن تجارب الشباب معهم اكثر

يا شباب لاحظت عليها ملاحظه اخرى وهي انها عن فتح السوق في مساء يوم الاحد تكون فروق المؤشر الحالي بينها وين باقي الشركات من بين 20 و35 نقطه مع حركة تذبذب بطيئه جدا جدا في أول 13 ساعه تقربيا من الفتح ثم يرجع كل شيء الى طبيعته وتكون ارقامها مثل باقي الشركات وتتحرك معها

ملاحظة: أغلب شركات الفوركس مغلقة في هذه الأيام بسبب أعيادهم الي إجتمعت في هذا الوقت , حتى الأن قاعد احاول أتواصل مع شركة كراون فوركس ولكن بدون جدوى لأن عندي حساب قديم معهم.

يا شباب يا ريت كل واحد مايبخل علينا بوقته او تجربته او خبرته لاننا فعلا محتاجينها وتشاركونا بأي معلومه تعرفوها عن هذه الشركه FXTSwiss وهذا موقعهم fxtswiss.com
انتظر ردودكم