طبعا انا جديد معاكم فى المنتدى هنا وبقالى اربع شهور باتمرن فوركس لكن بقالى 7 سنين فى البورصه وشغال فنى وقريت كلام غريب طيب الشركه بتخسرك لا ضرب الاستوب لوس لا بيرمى عليك وكلام عجيب خوفنى بصراحه وانا فعلا لقيت فى برامج كتير بتهنج لكن حتى فى مصر فى مباشر وميست بيحصل عادى لكن تعالى نشوف حاجه صغيره 90فى الميه من المتعاملين فى اسواق المال بيخسروا مش الفوركس بس طيب ليه اول حاجه واهم حاجه الطمععععععععععععععع العدو رقم واحد فى المضاربه ثانيا انت شغال تكنيكال طيب قريت شارتك صح يعنى مثلا الدولار ين كان فى ترند هابط مثلا وبد ا فى الارتداد وكسر مينور ترند لاين مادخاتش ليه يعنى اللى هايخسرك ده يخسرك ازاى وبعدين فى حاجه انا لقيت ناس كتير ناسيها الديلى تشارت ده اهم من الانتراداى جدا انت بتعرف الميجور ترند فين يبقى على الاقل الراجل ده بيضغط علشان صعود ولا بيرمى مثلا زى السترلينى دولار من يوم ماكسر الميجور اب ترند بتاعه الراجل ده كده خلاص سلوكه باين نيجى لحاجه مهمه الكمبينز او الماركت ميكرز دوره النيوز او الاخبار طبعا حاجه زى الدولار ين يبدا يرتد اديله اخبار وغذيه وهكذا طبعا هى شوية ملاحظات بسيطه وانا عارف فى ناس هنا محترفه ممكن ننتناقش فى الحاجات دى وكلنا نستفيد واخيرا حد جدع كده من غير زق يقولى شركه كويسه بحق الله ويكسب فيا ثواب

سيبك من الكلام والعناوين اللي اي حد يدخل الفوركس يلاقيها ادامه

عدم الطمع. الالتزام باستراتيجية وحدة. الدخول ب عشرة في المائة من رأس المال وغير ه كتير

لو عملنا مقارنة بين القمار والفوركس نلاقيهم متفقين في نواحي كتيرة جداااااااااااااا

الفوركس والقمار خسارة بعد خسارة.

الفوركس والقمار بالنسبة للبمتدأين احلام للوصول للملايين.

الفوركس والقمار لا يعتمدو علي دراسة واضحة وصريحة. سواء فهم او حفظ

الفوركس والقمار ادمان حتي لو تأكد للشخص انه بيخسر او خسر فعلا بيفكر كذا مرة يرجع

ويقول انا حلتزم لازم اكسب لازم اجيب ملايين. ويخسر مرة تانية وتالتة.

وفي الاخر كلها فلوس بتضيع لشركات امريكية ويهودية.

ولا عناوين ولا حاجه انت اللى ممكن تخليها تجاره وانت اللى ممكن تخليها قمار كل واحد وشغله

الناس العرب المسلمين اللي بيروجو للفوركس وهما عارفين ان 90% من الناس اللي حييجو

عن طريقهم حيخسرو الافات من الدولارات.

متقوليش انا بديهم تحذيرات ومخاطر الفوركس والكلام ده انت عارف ان 90% من الناس ده

حتخسر. حرام عليكم.

متقولليش كل واحد حر يحافظ علي فلوسه او يخاطر بفلوسه. متلفش وتدور انت عارف

ان 90% منهم حيخسروووووووووووووووووووووو. حرام عليكم.

هو فى ايه بس اللى حصل كل ده علشان بقوللك راى خلاص براحتك وبعدين انت واخد المساله بعنف ليه كده يااستاذ ده راى طيب فيدنا انت وقولى الخساره بتكون ليه ممكن نستفيد منك ياريت تبقى عملت فيا خير وجزالك الله خير

ولا عنف ولا حاجة. انا اخوك ياراجل.

الفوركس وهم كبير .حلم للوصول للملايين.

ولا بنشوف ملايين ولا حاجة.

ضربات حظ مش اكتر

يقولولنا ادخلو ب عشرة في المية دخلنا وخسرنا

التزمو ومتطمعوش برضه خسرنا

ذاكرو الفوركس وادرسوه واكتسبو خبرة برضك خسرنا

كله حظ في حظ.

ناس بتعمل دعاية للشباب يجي ألف شاب يدخلو الفوركس يطلع منهم 999 شاب خسرانين

لانه الفوركس صالة قمار كبيرةةةةةةةةةةةةةةةةةةةةةةةةةةةةةةةة.

مع احترامي لرايك يا فروفشنال
الفوركس ليس قمار ابدا انت حرام عليك هذا التشبيه
لو كان قمار كيف حين نحلل صحح وندخل صح نكسب؟
كيف تنجح المؤشرات والاستراتيجيات بنظرك؟ والمنتدى ملئ بها
اما القمار اين التحليل؟؟ هو حظ بحظ
اذا انت مقتنع ان الفوركس وهم لانك خسرت؟ غيرك يعتبره العكس لانه يكسب !!
انا اقول لك جرب استراتيجيه بسيطة واحدة فقط وسوف تستغرب كيف كنت تخسر !!
مثال ولا حصر (انا والعاقل)
كيف الجميع يكسب بها وانت من يخسر؟
الفوركس في رايي ليس للملايين ولكن ممكن يكون زيادة دخل ولو بسيطة 10% ربح من راس مال
هذا رايي الشخصي والله اعلم

في الحقيقة يا أخي أن خطورة الفوركس تأتي من عامل الحظ , وتحركات السوق المخالفة للتوقعات , والتي يبرع الخبراء في تفسيرها ولكن للأسف بعد أن تكون قد حدثت واللي كان كان , ولكن الحقيقة الأخرى التي تجعل المرء يستمر في هذه التجارة هي وجود أشخاص يعتمدون بشكل كامل عل الفوركس كمصدر رزق وهم ناجحون ومستمرون ولا يمكن أن نقول أنه الحظ وحده لأن الحظ يقف معك يوماً واحداً وعشرة أيام يقف ضدك فلابد من سبب لنجاح هؤلاء مختلف عن الحظ واستقراء الغيب وهذا ما نبحث عنه جميعاً , هذا هو رأيي في الموضوع .

لايوجد حظ برايي الشخصي
ولكن في رايي مشكلتنا جهلنا بالتحليل الاساسي !!
ولايوجد مصدر اخبار سريعه لجميع الاخبار نعرفه الغالبيه له اشتراكات وليس مجانا
لهذا فجاة خبر بنورك مركزيه فعلت كذا وكذا والسوق انقلب !!
اذا اين الحظ؟
الشخص الذي عرف الخبر بوقته تصرف مع الخبر
والشخص الذي يعرف الخبر ولكن يجهل التعامل معه؟ محلك سر
والله اعلم

طيب اقوللك استراتيجى كويس كويس عمرك فكرت كل يوم تعمل 50 نقطه وتقفل وتقوم عارف لو قدرت تعملها تبقى تمام قوى لكن تقول مانت بتدور على الملايين مش هاتحصل الناس اللى هناك دول مش هبل ولا احنا اشطر منهم ممكن تعمل ملايين بس بعقل وصبر انا شايف وهاقولها وهافضل اقولها عدو المضاربه الاول الطمعععععععععععععععععععععععععععععع فى مثل يقوللك ايه القليل فى الكتير يكتر يعنى مش مهم اكسب كتير المهممممممممممممممممم ماخسرش اهم حاجه ماخسرش زى البورصه تمام هاقوللك حاجه صغيره حصلت معايا كان معايا سهم خدته ب 13 راح 40 جنيه تمام الصح اعمل ايه ابيع طمعت وزودت خدنى من 37 ل16 شوفت يعنى مين اللى خسرنى طمعى صح نفس الحكايه كسبت مثلا فى جوز 30 نقطه يعنى مكسب تمام الطمع يلعب فى دماغك ياعم اتقل لسه بدرى 30 ايه لغاية ماتخسر ومارجن كول لكن نقول الحمدلله ونقفل بعد مكسب ونقول بكره هانستمر دى فلوس وتعب ولو حد عايز حاجه انا ممكن اساعد ولو عايز تعوض انا معاك والله الموفق مش عيب نساعد بعض وانت تساعدنى برده يمكن تستفيد منى بحاجه وربنا يعوضك خير يارب

ارضى بالرزق حتى ولو كان قليل ولاتطمع