قصيدة بالعامية
...
...
حكاية مدينة
حكاية طويلة ومرة .. عن بيت طاهر ومقدس
في ناس بتهدمه وبأقدامهم بيتدنس
والوطن العربي لسه بيدرس
وشعب البلدة عمال بيدافع
وواقفه قدامه مدافع
ونوابه بتترافع
ومفيش فايدة ... مش راح نخلص
طب أعمل ايه لعدو حرامي
سرق الارض من قدامي
وعنده بلاد له بتحامي
والقدس مش لاقيه محامي
ولا لاقيه حد لأرضها يحرس
يا عربي تعالى شوف واتفرج
القدس في الشهداء بتخرج
ولسه مش لاقيه مخرج
أو لاقيه حتى طريق ينداس
والشعب لسه كله حماس
اصلهم مؤمنين بالقضية
ولو وصل عددهم لـ مية
مش هيسيبو حاجه للحراميا
واحنا هنقدم إلتماس
علشان يرفعوا عنهم الظلم
ويخرجوهم من الغم
ويخلو العدو يتلم
ويبطل تقتيل في الناس
وهنديهم فلوس كتير
علشان يجيبو طوب كبير
وأدوية وعقاقير
وبدل واقية من الرصاص
...
END
...
بس كنت كاتبها قبل ما حدث مع العراق
27-10-2007, 01:23 AM
حكاية مدينة 
اللهم علمنا ما ينفعنا .. وانفعنا بما علمتنا 
