خواطر فوركساوى ((Don't Chase the Market ... المفهوم الحقيقى ))

**وليد الحلو** · 29-09-2007, 02:56 AM

السلام عليكم و رحمه الله و بركاته

أخوانى الاعزاء, عوده للخواطر بعض وقت من الانقطاع

و اليوم الخاطرة على شىء هام جدا

كلنا لما دخلنا الفوركس هذا السوق الساحر وجدنا كثير من القواعد و القوانين الذهبيه التى ظهرت لنا

لا للخوف ... لا للعواطف ... لا تتاجر بأكثر من 10% من حسابك ... لا للطمع ... لا تتاجر وقت الاخبار لقوية ... و منها الكثير و الكثير

واحدة من اهم القواعد التى مررت عليها تلك العبارة الذهبيه المرصعه بالماس
Don't Chase the Market
لا تطارد السوق

استفدت منها جدا
فانا ابنى نظرية الدخول احدد الوقف و احدد الهدف
اذا وصل للتارجت: بارك الله فيما رزق
اذا تفعل الوقف: الحمد لله ... و ابنى نظرية دخول اخرى على اسس ماحدث

ولكن,
كان هذا الاسلوب مناسبا على الدايلى و الاربع ساعات لتوفر الوقت الكافى للتحليل و التفكير و حتى قراءة اراء الاخرين

و لكن عندما دخلت مجال الانترا داى
كلما ضاق عليا الوقت كلما كنت مطالب بالقرار السريع

و طبعا اللى شغاليين انترا داى عارفين ان فى بعض الايام ممكن تدخل 3 و 4 على نفس الزوج (الايام السودة) و ده معدل عالى جدا و الصورة التالية مثال عملى على ما حدث معى فى احدى كوابيس الباوند دولار هذا الاسبوع و حصل فى موضوع ((الباوند رايح فين !! )) ولولا مطاردتى للسوق و توفيق الله فى البداية و النهاية ما كنت خرجت كسبان

مع العلم ان الصفقه الاخيرة اغلقت على +40 نقطه لاحقا

المهم
وجدت نفسى بعد هذا الوقت بكسر قاعدة هامه جدا و هى (( لا تطارد السوق ))

هو انا وصلت خلاص للاحتراف لدرجه انى تفوقت على صاحب هذه المقوله ؟
هل انا ماشى فى سكه غلط ؟
هل مع الوقت المضارب يستطيع ان يتخلى عن بعض قواعد الامان و يبدأ بالمخاطرة؟

والى ان وصلت لقناعه و ما كان يقصده صاحب العبارة
المفهوم الصحيح للعبارة: لا تطارد ستوباتك ... يعنى لا تحاول ان تعزز او تعكس صفقتك لمجرد ان الستوب قرب
و اديكم مثال :
شراء دولار ين وقف 30 هدف 50
ستوب
شراء 2 لوت دولار ين وقف 30 هدف 50
ستوب
بيع 2 لوت وقف 30 هدف 50 ستوب

اقسم بالله تصفير الحسابات كتير من الحسابات المدمرة لاقيت فيها هذا الاسلوب

الخلاصه يا أخوان
((لا تطارد السوق عندما يضرب استوباتك ))

((طارد السوق فنيا ولا تسيب حقك ابدااا))

مثلا دخلت بيع بسبب الدايفيرجنس و الموفينيج 55
ستوب اخترق الموفينج 55 ادخل مع اعاده الاختبار
طلع حبه للبيفوت و اداك بيرش انجلف
اجنى ربحك فى عقود الشراء و ابدأ البيع

هكذا تكون المضاربه هكذا تكون المتعه

المضاربة اليومية صعبه بعض الشىء مرهقه بعض الشى ولكن مربحه جدا و فى ناس كتيرة تعرف الموضوع ده ... وهى ميزة الفوركس اللى مش موجوده فى اى سوق تانى بنفس القوة

المضاربة اليومية دى .....

ولكن دى خاطرة اخرى

أجازة سعيدة للجميع

ودى و تقديرى

**نظرة عقلانية** · 29-09-2007, 03:26 AM

موضوع رائع

خذ دي

طارد الاموال الساخنة ولاتطارد السوق

bo7a · 29-09-2007, 04:34 AM

صباح الفل والياسمين علي عيون أحلي الحلوين وليد باشا الحلو

كلام كبير من استاذ كبير ونصائح غالية من أغلي الغاليين

ربنا يبارك فيك يا زعيمنا ويرزقك برزق طيب يا راجل يا طيب

تم اضافة الصفحة الي ال favorites لاطلاعي عليها كل يوم والتاني كما عودتني بموضوعاتك الشيقة

صبح صبح يا زعيم

prince · 29-09-2007, 05:00 AM

اقتباس:

المشاركة الأصلية كتبت بواسطة نظرة عقلانية

موضوع رائع

خذ دي

طارد الاموال الساخنة ولاتطارد السوق

لا ما ينفعش تدخل ترمي الكلمة وتطلع تجري ..لان كلامك دايما حكم مفيدة..عاوزين تفسير مطول

اللي في بالي تفسير لكلمتك كلام المرحوم الشيخ الوافي ان الناس بتصبر علي الخساره بتحريك وقف الخساره مثلا ولا تصبر علي مطاردة الربح
=================================
بالنسبة لكلامك يا وليد فهو ممتع كالعاده.ربنا يفتح عليك
=================================================
تعديل .. عفوا كتبت المشاركه قبل ان انتبه لموضوع استراتيجيه نظرة عقلانية و التي يشرح
فيها ان شاء الله بالتفصيل موضوع مطاردة الاموال الساخنه..وقد فوجئت بمشاركة في موضوع
الاخ وليد لانها المرة الاولي التي اجد فيها مشاركه منذ شهور للاستاذ نظرة عقلانية نفعنا الله بعلمه

CJA · 29-09-2007, 06:07 AM

على فكرة يا وليد انا بكون سعيد جدا اول ما اشوف موضوع جديد ليك لانى عارف انه هيكون مفيد و ممتع فى نفس الوقت
ما شاء الله عليك

مصطفى محمد صالح · 29-09-2007, 06:14 AM

اخى الغالى مهندس وليدباشا الحلو
والا ما يعرفش اداك بيرش انجلف يعمل اة
انا بصبح وانا عارف انى مقصر ولكن والله العظيم ربنا الواحد العالم انا كنت فى حالة سيئةجدا وما صدقت اننا فى رمضان دى نعمة ربنا بعثها للواحد وكل سنة وانت طيب يا غالى
وانا عاوز اتعلم وطالب ان تكون استاذى موافقة ولا رفع للبحث

voodoo · 29-09-2007, 09:13 AM

"Don't Chase the Market "
"Don't Chase your Stops "

كلام جميل
والاجمل عندما يخرج من شخص تثق فى قلمه

!MMM! · 29-09-2007, 11:47 AM

كلام جميل ، يعجبني منطقك

طارق سعد الدين · 29-09-2007, 12:23 PM

كما عودتنا بخواطرك الجميلة و مننحرمش يا باشا

اهم كلمة

المفهوم الصحيح للعبارة:لا تطارد ستوباتك ... يعنى لا تحاول ان تعزز او تعكس صفقتك لمجرد ان الستوب قرب

اقسم بالله تصفير الحسابات كتير من الحسابات المدمرة لاقيت فيها هذا الاسلوب

اقسمت و صدقت فعلا هذا هو السبب الرئيسي لتصفير اي حساب
العند
كفانا الله و اياكم شر الخسائر
و كل عام و انتم بخير

داي ترايدر · 29-09-2007, 11:55 PM

كلام جميل يفتح الشهية من مهندسنا الغالي
ياريت تكرمنا بخاطرة تخص الفترة الأمريكية كي نستفيد منها
تقبل تحياتي و تقديري

سيف الملوك · 30-09-2007, 12:15 AM

خاطره ولا اروع
ويعطيك العافيه يا حلو

واسمحلي استعير منك
ودي وتقديري

**وليد الحلو** · 30-09-2007, 08:07 AM

اقتباس:

المشاركة الأصلية كتبت بواسطة نظرة عقلانية

موضوع رائع

خذ دي

طارد الاموال الساخنة ولاتطارد السوق

تسلم يا غالى
بس انت أعرفها و اوعدك مش هعتقها

ودى و تقديرى

**وليد الحلو** · 30-09-2007, 08:10 AM

اقتباس:

المشاركة الأصلية كتبت بواسطة bo7a

صباح الفل والياسمين علي عيون أحلي الحلوين وليد باشا الحلو

كلام كبير من استاذ كبير ونصائح غالية من أغلي الغاليين

ربنا يبارك فيك يا زعيمنا ويرزقك برزق طيب يا راجل يا طيب

تم اضافة الصفحة الي ال favorites لاطلاعي عليها كل يوم والتاني كما عودتني بموضوعاتك الشيقة

صبح صبح يا زعيم

هات الـ36 يا جدع و كرر خزنتين للمعلم بوحه قاهر ولاد ابو اسماعيل
يا حبى لو اعرف كل موضوع لى هترد اوعدك هكتب موضوع مع اغلاق كل شمعه 5 دقائق

ودى و تقديرى

**وليد الحلو** · 30-09-2007, 08:12 AM

اقتباس:

المشاركة الأصلية كتبت بواسطة prince

لا ما ينفعش تدخل ترمي الكلمة وتطلع تجري ..لان كلامك دايما حكم مفيدة..عاوزين تفسير مطول

بالنسبة لكلامك يا وليد فهو ممتع كالعاده.ربنا يفتح عليك

و عليك يا غالى ... حبيبى برنس فينك مش بشوفك كتير ليه

ودى و تقديرى