انا معاكم انه الإعلان شبه نصب تقريبا لكن بالفعل في كتير ناس ما عندها أي فكرة عن الفوركس او حتى سمعت فيه على الأقل . لذلك قد يكون كما قال الأخ ahmed00
على كاسة الماء .

عندك حق أنوا كانت E money power غالية و الكل قال انو ما ستفدش منها لأنها معتمده على توصيات و بفلوس
بس برده في ناس كتير ما تعرفش حاجة عن الموضوع و ما يعرفوش العالم بتاع الفوركس و المنتديات
و لو كورس بسعر معقول و عدد ساعات معقولة و يعطوا فيه المباديء يكون اسهل للمبتدئ
أنا حضرت سيمينار مبدئي لواحد كان هيدي 40 ساعة كورس و ب 2000 جنية و كان يوم سبت و أحد بس و كان بيتكلم عن أخبار يوم الجمعة القوية
يعني ما كنش نصاب و لا حاجة بس ظروف لغي الكورسات في مصر منعتني أخد الكورس.
ف مش كل الناس نصابين في ناس محترفة و شغالة أيام الفوركس و الويك اند عاوزه تستفيد و تفيد بردوا بكورسات

أنا قرأت نفس الإعلان ده أيضاً فى الوسيط من شهرين , يبدو أنهم وسعوا نشاطهم الى مترو الأنفاق و سلم لى
عالمترو على رأى أساتذتنا أحمد رجب و مصطفى حسين

السلام عليكم جميعا

بصراحة المشكله اى اعلان او اى كلام عن الفوريكس يتكلموا بس عن الارباح الوهمية والاستثمار وانت اصلا بدور على حاجه تستثمرها بنفسك فتروح وتنبهر ويجرك وانت مش فاهم فيه ايه ويقلك توصياتنا ميه ميه وهو الى بيديك الكورس اصلا ممكن يكون فاشل فى الفوريكس وعايز ناس تكسبوا او يقلهم كمان انا بدير حسابات ويتمرن فى حساباتهم ويثولوا النا س بتوعى كسبوا وحولوا فلوس ولو قلتلوا ادينى نتائج رسمية يقلك دى اسرار عملاء ز سبحان الله الشركات تجرى وراك لحد ما تجر رجلك وبعدين تبيعك عشان كده لازم نتقى الله فى الناس لازم نقول الفوريكس ممكن نربح منه كثير جدا بس مش اى حد وممكن تخسر كل فلوسك عشان كده لا تسير وراء الاغراءات والكلام ده وتتسرع تفتح حساب زى مونى باور بالذات لما برنامجهم فى الراديو كان هدفه يحسرك على نفسك يوصلك انك خسرت كل المكاسب الى بيقولها حتى فى طريقة التوصيات بتاعتهم يديلك النتائج لاكبر مكسب حصل فى الصفقة وانت ولافاهم حاجة تفتح حساب وتدخل الدورة وتحلم بالمكاسب الخياليه انا شخصيا اخدت الكورس عشان التوصيات لانه اصلا مش كورس ده مجرد جمه اموال المصريين الى نفسهم يعملوا توازن مابين العمل ذو الاجر المتوسط ودخل اخر يعمل توازن ويحسن مستوى المعيشة وكنت دائما افكر ما لو الفوريكس كده مكاسب كنا كده هصحى الصبح هلاقى البواب بيسال عن سعر الاسترلينى مع الدولار ومعدل الفائدة وخلاص بقة ماهو مكاسب بس وتانى حاجة ليه هما بيدوا دورات وتوصيات وخدمات كتيرة بدل مايضيعوا وقت مايكسبوا طالما السوق مفتوح 24 ساعة انا متفق مع موضوع الاخ سليل عائلة دعبس خدعوك فقالوا هذه مميزات الفوريكس ز احذر من الحساب الحقيقى الا بعد ان تتاكد انك ربحت فى الديمو فتره جيدة والربح يكون نقاط وليس اموال وان تكون ذو اعصاب ولاتترك عملك الاساسى ابدا فى بدايه الفوريكس تعامل كانك تقرا كتاب او تلعب لعبة حيث ترك العمل والعمل فى الفوريكس وبالذات لو اتعمدت ان يكون الفوريكس دخلك الاساسى مح الخسائر ستشعر بالندم وعدم النوم والقلق والخوف الى اخره .انا شخصيا لى تجربة مؤثرة جدا ربما كانت السبب فى سفرى للخارج بعد ما ضاقت السبل وانخفضت المعنويات وكل ذلك كان مبنى على اساس الارباح الوهمية بس الفكره ماحدش بيتعلم ببلاش وللحديث بقية

السلام عليكم
انا لى وجهة نظر اخرى
هذه الشركة قد افادت كثير من الشباب ومنهم انا كيف كنت لااعرف شىء عن الفوركس وكان لهم برنامج فى قناه لبنانية على الدش وشاهدت البرنامج صدفة واضطررت الجلوس امام التليفزيون حتى انتهى البرنامج بل وحرصت على معرفة وقت البرنامج وتابعته شهرا اشتركت فى DSL وبدات فى البحث حتى وصلت الى هذه المنتديات العملاقة كالمتداول ووجدت فيه كل الخير . مع انى لم اتعامل مع هذه الشركة امانى باور لكن لاانكر الجميل بانها فتحت لى الطريق واكيد غيرى من الشباب بسبب اعلاناتها الكثيرة واذا كانت الشركة تقصد شىء ما فان الشباب او المواطنين يعرفوا مصلحتهم جيدا