دعوه للحب ... عرف من تحبهم انك تحبهم .. هذه دعوه لنشر الحب والقدوه الحسنه بين الأعضاء

محـمـود ربـيـع · 18-02-2007, 01:34 PM

احبتى فى الله
تحية حب من القلب الى القلب
السلام عليكم ورحمة الله وبركاته
بكل الحب نلتقى مره اخرى على حب وخير

اخوانى الكرام

قال رسول الله صلى الله عليه وسلم " الأرواح جنود مجنده من تعارف منها إتلف ومن تعارض منها اختلف "
يعنى ايه
يعنى انت ممكن تقابل حد تشوفه لأول مره وتحس انك حبيته وقريبين من بعض كأنك تعرفه من سنييييييييييييييين وتبقوا اصحاب ... واحياناً تشوف واحد من اول وهله ما تطيقووووش ... صح بتحصل مش كده ؟

كذلك هى المنتديات والكتابات ... ممكن اقرأ لشخص ما واحب هذا الشخص من خلال كتاباته واسلوبه فى النقاش والرد على الاعضاء واشعر انى مقرب منه جدا وتلاقيك بترد على موضوعاته وتعليقاته .... وممكن واحد تانى من خلال اسلوبه تلاقى نفسك مش حابه ... صح بتحصل مش كده ؟

طيب هحكيلكوا حديث " كان رسول الله صلى الله عليه وسلم يجلس مع احد الصحابه فعندما رأى الصحابى رجلاً دخل المسجد قال للرسول يا رسول الله والله انى احب هذا الرجل فقال له الرسول إذهب لإخيك واخبره أنك تحبه "

الله على الموقف ... انتوا عارفين ليه الرسول قال كده
الغرض هوا نشر الحب يعنى انك لما تحب حد لازم تروح تقله انا بحبك وقريب منك فينتشر الحب بين الناس ويسود السلام

طيب تطبيقاً لسنة الرسول صلى الله عليه وسلم
ورغبة منى فى نشر الحب لأنى مشكلتى فى الدنيا انى رومانسى اوىىىى وعاطفى جدااااااااااااااااااااااااااا
وفى زمن لم تعد فيه للرومانسيه وجود
وفى زمن لم تعد فيه للعواطف مكان
ولأنى بحب الحب ونفسى انشر الحب بين الاعضاء وبين كل الناس فى الدنيا
يا سلااااااام لو كل الناس حبت بعض يا سلااااام مش هيكون فيه صراعات او مشكلات او حروب كل المشاكل تتحل بالحب يا جماعه والله صدقونى
يعنى انت حتى لو واحد غلط فيك او زعلك وانت تركته او رديت بأدب مش هيكون فيه مشاكل

الله الله الله على الحب

طيب هذه دعوه للحب
كل عضو يقول هوا بيحب مين فى المنتدى
حتى تجتمع قلوبنا كلنا على الحب والخير
تخيلوا قيمة هذا الموضوع فى تأليف قلوب الأعضاء ورفع معنوياتهم وجمع قلوبهم
يلا يا اخوانى كل واحد يقول اللى بيحبهم هنا واللى قريبين من قلبه
والله صدقونى ان فيه اعضاء هتصاب بالدهشه ان فيه ناس بتحبها وهيا ما تعرفش خالص
عشان كده لازم الكل يشارك ومايبخلش على اللى بيحبهم انهم يعرفوا
وارجو من الجميع ان يكتب ما فى قلبه خالصاً لوجه الله دون نفاق او مجامله لأن هذا الموضوع دعوه للحب خالصه لوجه الله سبحانه وتعالى ارجو ان يتقبلها منا جميعاً

انا هنشر الموضوع فى اكثر من منتدى لأنى عايز اعبر عن حبى لأعضاء فى منتديات تانيه و لو قلت الناس اللى بحبهم فى منتديات تانيه يمكن الاداره تعتبره اعلان هههههه
طيب حصل خير

تقبلوا تحياتى
اخوكم / محمود ربيع
بكل الحب نلتقى إن شاء الله على حب وخير
فى أمان وحفظ الله

محـمـود ربـيـع · 18-02-2007, 01:43 PM

احبتى فى الله
تحية حب من القلب الى القلب
السلام عليكم ورحمة الله وبركاته
بكل الحب نلتقى مره اخرى على حب وخير

انا سوف ابدأ بنفسى

انا احب فى الله هؤلاء الأشخاص :
ملحوظه : الكتابه ليست بالترتيب يعنى اللى هيجى فى دماغى هكتبه لأن كلهم فى غلاوه واحده :

الاخ الغالى الحبيب / ابو روان
الاخ الغالى المتميز / مادرو
الاخ الغالى الممتاز / سمير صيام
الاخ الغالى الفاضل / دكتور حسن السيد
الاخ الغالى الفاضل / خليلو ابوعلاء
الاخ الغالى الراقى / DR.GM
الاخ الغالى الطيار / ابن عباس
الاخ الغالى الحبيب / حسام العزبى
الاخ الغالى الحبيب / عبده المصرى
الأخ الغالى الحبيب / mobtd2_msry
الاخ الغالى الحبيب جداً / gamalm
الاخ الغالى الحبيب / وضاح عطار
الاخ الغالى الحبيب / متيم اليورو

وطبعاً طبعاً الاستاذ ليكويد بارك الله فيه الذى لاتوفيه الكلمات حقه

طيب انا هقول ليه بحب الناس دول عشان الموضوع يبقى احسن
يعنى لما كل واحد يقول هوا ليه حب الناس دول طبعاً ده هيساعد فى انهم يكونوا قدوه لغيرهم ويكونوا كمان يرفعوا من مستواهم واسلوبهم الى الافضل دائماً ان شاء الله
وبحثاً عن القدوه فى عالم لم يعد فيه قدوه فهذه هى اسباب الحب فى الله لهؤلاء الاشخاص :

1 ) الأخ الغالى الحبيب / ابو روان

ده يا جماعه شخص متميز ورائع فعلاً رائع بمجهوداته وارائه المتميزه ورائع فى اسلوبه وعرضه للموضوعات والتعليقات هذا الشخص من الاسباب الرئيسيه لفتح هذا الموضوع والله لان هذا الشخص فعلا اخ غالى قريب الى نفسى وهو استاذى ايضاً فى الترند المكسور فتحيه له من كل قلبى .

2)الأخ الغالى المتميز / مادرو

هذا الأخ الغالى ... هذا الرجل عانى الظلم كثيراً وانا دافعت عنه كثيراً ومازلت ادافع وسوف ادافع عنه ان شاء الله ... يكفى ان اقول انه لا يبخل على احد بمعلومه ويضيع وقته الكبير لمساعدة الاعضاء ... مادرو لو انانى او متعالى ما كنش ضيع وقته ده كله وعرض استراتجياته اللى تعب فيها عشان خاطرنا ... مادرو لو انسان مغرور ماكنش رد على اللى اساؤا اليه بهذا الأدب والرقى ... والله هذا الرجل لم يخطئ فى حق احد ولم يؤذى احد ولا اذكر انه قال كلمه ضايقت اى احد ... بارك الله فيك يا مادرو ... وانا اعلنها مرحباً بعودته بين صفوفنا وارجو ان لا يرحل مرة اخرى

3) الاخ الغالى الممتاز / سمير صيام

هذا الرجل الذى يعمل بكامل جهوده لخدمة الاعضاء ... حقيقى ردوده سريعه جدا ويذكرنى بالأخ احمد ابو السعود فى منتدى الجيران هذا الرجل المتميز ايضاً ... الاتنين دول ردودهم سريعه جدا .... بحس انهم نايمين على الكى بورد ههههههه
بس ليا عتاب صغير عند الاستاذ سمير صيام ... ان احياناً بتكون ردوده صغيره ... يا راجل انا بحب اقرا اللى انت بتكتبه ابقى اكتب كده كلمات كتيرررره
وطبعاً لا ننسى جهوده فى الدايفرجنس يكفى انه علمنا الدايفرجنس بارك الله فيه
وحقيقى الاستاذ سمير صيام من الناس الممتازه والمتميزه بارك الله فيه وهو شخص مهذب فى علاقاته وردوده اتمنى له دوام التوفيق والنجاح

4) الاخ الغالى الفاضل / دكتور حسن السيد

هذا الرجل الذى له فضل على انا شخصياً ولا ينكر الفضل اى احد
هذا الرجل علمنى كثيراً وكنا نتحدث على الماسنجر وعلمنى بعض التقنيات الهامه ولم يبخل بمعلومه بل كان يتناقش وكنت اتعجب منه ان استاذ كبير مثله يتعب معى ليعلمنى ويناقشنى بارك الله فيه ... هذا الرجل المتميز بجهوده والذى اختفى عنا ولا اعلم لماذا ... وانا من هنا اناديك يا دكتور حسن بالعوده الى محبيك والى طلابك وتلامذتك الذى انا يسعدنى ان اكون واحد منهم ... اتمنى ان تعود الى كتاباتك ومتابعة موضوعاتك المتميزه الراقيه ... وانا اشكرك جدا فأنت انسان صاحب فضل .

5)الاخ الغالى الفاضل / خليلو ابوعلاء

هذا الرجل ايضاً شخص متميز وهادئ يعجبنى فيه هدوءه ومواجهة المشكلات بهدوء ... الراجل ده بيحسسك ان الدنيا سهله ومافيهاش مشاكل لما تتكلم معاه لا يقوم بتعقيد الأمور ومابيغلطش فى اى حد والله الراجل ده انسان كويس ومحترم فعلاً تحياتى لك يا غالى .

6) الاخ الغالى الراقى
DR.GM

طبعاً هذا الرجل يستحق التقدير لأنه شخص راقى ومهذب فى ردوده وموضعاته
وهو من الناس الذى تبذل مجهود كبير لخدمة الاعضاء فى المنتدى ... تحياتى له جدا على ذوقه وادبه انا عن نفسى احس ان هذا الشخص قريب الى نفسى واحب قراءة موضوعاته لما يبذله فيه من جهد انا هرشحه يبقى زعيم الاستفتاءات فى المنتدى هههههه هوا شخص من الاشخاص المتميزين جدا ... بارك الله فيه

7) الاخ الغالى الطيار / ابن عباس

هذا الرجل متميز بتحليلاته وموضوعاته صاحب رؤيه متميزه وردود جميله ورائعه اتمنى ان يستمر دوماًَ .... صحيح انا بختلف معاه احياناً فى الرؤيه التحليليه الفنيه بس بيسعدنى جداً مناقشاته المثمره .... حقيقى الشخص ده من الاشخاص اللى بتفيد الاخرين ولا يبخل فى اى معلومه وهوا ايضاً ليس شخص مغرور ولكنه يتميز بالتواضع وحب الأخرين ودائماً يعجبنى فيه جدااااااا الشرح بإستفاضه ... فهو يشرح دوماً بقدر كبير من الكلمات وهذا شيئ طيب ... بارك الله فيه

8) الاخ الغالى الحبيب / حسام العزبى

طبعا ههذا الرجل الذى افتقدناه جدا والذى اختفى من كل المنتديات ... هذا الرجل الراقى بأسلوبه المهذب والذى يساعد الناس .... هذا الرجل من ارقى الناس فى ردوده وتهذيبه فى الرد على الناس .... بارك الله فيه ... وهو من الناس الذين اتمنى رؤيتهم او مقابلتهم ذات يوم لما سمعت عنه من طيب الاصل والرقى والتهذيب وانه يعامل الناس بكل احترام وموده وحب .... وجميع من قابله يقول انه لم يرى فى حياته مثل هذا الأدب او الاخلاق ... اتمنى ان يعود الينا .

9) الاخ الغالى الحبيب / عبده المصرى

طبعاً هذا الرجل متميز وهو من الاصدقاء المقربين الى نفسى وهوا من الاصدقاء الغالين هذا الرجل يستحق الشكر وكلمات التقدير والله انه شخص ذو اصل طيب وذو اخلاق كريمه يتميز ايضاً بالهدوء ويحب مساعدة الاخرين ... ولكنه مختفى عنا ايضاً لا اعرف اين هو ...... وهذا نداء لعبده المصرى عد الينا يا اخى اين انت يا غالى ...... ارجو ان تكون بخير دوماً

10) الأخ الغالى الحبيب
mobtd2_msry

ايضاً هذا الرجل اشعر من كتاباته انه يجلس فيما بيننا بحس فيه بروح المصرى البسيط الرائع عمرى ماحسيت انه مغرورو او متعالى ... حتى اسمه مبتدئ ... الله عليك يا ابنى انت نموذج للمصرى اللى انا فخور بيه ... انت ابن بلد جدع يا مبتدئ لديك روح المصرى البسيط المتفاههم والمتعاون ... تقبل تحياتى ومودتى

11) الاخ الغالى الحبيب جداً
gamalm

هذا الرجل قد لا تعرفوه لأنه قليل المشاركات ولكنه صديق غالى عليا جدا وهو الان مريض ومنقطع عن الكتابه فى المنتدى ارجو منكم الدعاء له بالشفاء لأنه يستحق كل خير وكل حب منا انه انسان ونعم الاخلاق ... شخص حسن الخلق مهذب ومتميز وراقى ومن الأشخاص القليلين المتدينين فعلاً واذلى يخاف الله فى كل تعاملاته مع الناس ومع ربه فهو شخص لديه ضمير يخاف الله بارك الله فيه ده شخص حقيقى عنده ضمير ... وربنا يخلى ابنه يارب ويشفيه ارجو الدعاء له جميعاً .

12) الاخ الغالى الحبيب / وضاح عطار

هذا الرجل مهما قلت لن اوفيه حقه ... هذا الرجل صانع المؤشرات الذى لم يبخل بمؤشر على احد ولم يفكر ان يبع اى مؤشر لاى احد ... تخيل انه يسهر ويتعب فى المؤشر عدةايام وربما اسابيع ثم يطرحه هنا بدون مقابل بدون اى مقابل ... يا سلام عليك يا وضاح والله انت من الناس المحترمين الذى اتمنى ان اقابلهم ايضاً ذات يوم فجهودك وحبك لأخوانك تدل عليك وعلى كرم اخلاقك وهذا الرقى والتميز الذى انت عليه تحيه لك من كل قلبى بارك الله فيك ودعواتنا لك دوماً بالتوفيق .

13)الاخ الغالى الحبيب / متيم اليورو

هذا الرجل له فضل عليا فقد تعلمت منه الكثير والكثير ولا استطيع ان انكر انه علمنى الكثير علمنى الصفقات السوينجيه وعلمنى استراتيجيات خاصه به هوا شخصياً ولم يبخل عليا بأى معلومه وكنا نتقابل على الماسنجر لساعات لكى يعلمنى مما علمه الله ولم يبخل بأى معلومه والله انه انسان طيب الأصل وهذا الرجل اتمنى ان يعود لنا ولمحبيه ويعود لتوصياته الرائعه التى كانت نسبة نجاحها عاليه جدااااااااا
وانا اوجهه له نداء بالعوده .... عد يا متيم اليورو الى اخوانك ومحبيك

واخيراً وليس اخراً
الاخ الغالى الفاضل الحبيب جدااااااا ليكويد

هذا الرجل الذى طرح استراتيجيه اقل ما يقال عنها انها اكثر من رائعه
هذا الرجل الذى لن توفيه الكلمات حقه ...... فشكراً لك يا ليكويد وشكراً لمجهوداتك وانا يسعدنى ان اكون من رافعين راية الترند المكسور بعدك يا غالى فتقبلنى من تلاميذك المحبين لك دائماً

تقبلوا تحياتى يا اخوانى ويا اساتذتى
و تحيه خاصه لأساتذتى / ليكويد وابو روان ودكتور حسن السيد ومتيم اليورو

اخوكم / محمود ربيع

تقبلوا تحياتى
اخوكم / محمود ربيع
بكل الحب نلتقى إن شاء الله على حب وخير
فى أمان وحفظ الله

ahmed hanafy · 18-02-2007, 01:51 PM

اخويا و استاذى / محمود (ابو حنفى)
و الله الذى لا اله الا هو انا معاك قلبا و قالبا
معاك من رأسى حتى قدمى
و لكن ان اكتب اسم شخص احبه من بين 8000 مشارك ما شاء الله فهذا امر صعب جدا
بل هو مستحيل
لماذا ؟
1- لن تسعفنى الذاكرة فربما نسيت اسم

2- كتابة اسماء من احب - و خاصة مع شخص رومانسى زى حالاتى- يستغرق وقت كبير جدا
ده انا هكتب 9000 اسم من 8000

اخويا محمود
الخلاصة

يمكنى ان اقول لكل البشر اجمل كلمات الحب بسلوكى و ليس بلسانى و صدقنى هذا اجمل و اوقع و ابلغ

انا بحب 9000 عضو فقط من بين اعضاء هذا المنتدى

تقبل حبى

faissal · 18-02-2007, 01:58 PM

طريقه اسهل من كل ذلك

حبي للمنتدى لهذا البيت الذي يجمعنا

هو حب لاعضاء المنتدي قديمهم وجديدهم

كبيرهم وصغيرهم

njjar · 18-02-2007, 02:13 PM

اني احبكم بالله جميعا

fx_najah · 18-02-2007, 03:14 PM

والله انا بحب
كل الاعضاء من رقم 1 الى اخر عضو تسجل اليوم ورقمه 9000
انا بحب كل عضو من صغيرنا الى كبيرنا
انا بحب كل عضو قديم وكل عضو جديد
يعني انا بحب كلللللللللللللللللللللللللل اعضاء المنتدى
همسة
الى الاخ محمود ربيع
لا اضن انها دعوة الى الحب بالعكس فانت بهده الطريقة ستخلق حززات ومشاكل وكراهية بين الاعضاء
مثلا انا احب بعض الاعضاء فقط فلان وفلان وفلان .....
واعلن مثلا اسمائهم
الا تضن اخي محمود انا باقي الاعضاء خاصة الدين اعرفهم واتكلم معهم على خاص لا يزعلون مني بل يكرهونني .........

محـمـود ربـيـع · 18-02-2007, 03:47 PM

اقتباس:

المشاركة الأصلية كتبت بواسطة fx_najah

والله انا بحب
كل الاعضاء من رقم 1 الى اخر عضو تسجل اليوم ورقمه 9000
انا بحب كل عضو من صغيرنا الى كبيرنا
انا بحب كل عضو قديم وكل عضو جديد
يعني انا بحب كلللللللللللللللللللللللللل اعضاء المنتدى
همسة
الى الاخ محمود ربيع
لا اضن انها دعوة الى الحب بالعكس فانت بهده الطريقة ستخلق حززات ومشاكل وكراهية بين الاعضاء
مثلا انا احب بعض الاعضاء فقط فلان وفلان وفلان .....
واعلن مثلا اسمائهم
الا تضن اخي محمود انا باقي الاعضاء خاصة الدين اعرفهم واتكلم معهم على خاص لا يزعلون مني بل يكرهونني .........

لا يا غالى والله ليس قصدى ما تقول
انا اوضحت قصدى وليس معنى انك لا تذكر عضو انك تكرهه
انا ايضاً احب كل الاعضاء والحمدلله
ولكنى اقصد انك تذكر من تحبهم محبه خاصه جدا وليس معنى ذلك انك تكره الباقى

تقبل تحياتى

fx_najah · 18-02-2007, 04:16 PM

اخي محمود اولا اعلم انك احبك هده نقطة لا نناقشها
اخي محمود يضهر انك فهمتني خطا
انا لا اقصد ادا دكرت الدين احبهم فانا اكره الباقي لالالالالالالالالالالالالالالالا
انا اقصد الاعضاء الدي لم ادكر اسمائهم وهم الدين سوف يكرهونني
تصور كان معي احد الاعضاء على خاص وقلت له ادا كرت الاخوان الدين احبهم ونسيت اسمك سهوا فقط
وكان جوابه كالتالي
لن اكرهك ولكن اكره اليوم الدي عرفتك فيه ومكان الدي تعرفنا فيه
لانك لم تدكرني وتصرح انك تحب فقط فلان وفلان ادا مامحلي انا من الاعراب

على العموم احي فيك اخي محمود ربيع هده الروح الطيبة وهده الصفات والاخلاق العالية

نينجا · 18-02-2007, 05:21 PM

والله إني أحب أعضاء المنتدى كلهم في الله من العضو رقم 1 الى 9000

إلا عضو واحد رقم 7954 !!!! اللي هو أنا

**سمير صيام** · 18-02-2007, 06:20 PM

اخى محمود
احبك الله الذى احببتنى فيه واحمد الله الذى يحبب فيا خلقه
وانا عن نفسى احب كل الاعضاء فيهم ناس طبعا مقربة جدا منى طبع من غير ذكر اسماء هم عارفين نفسهم
وطبعا انا بتعامل مع كل الناس زى اخوانى بالضبط ولا فرق بين اى احد عندى

خيرالدين مهدي · 18-02-2007, 07:06 PM

احب كل الى فى المنتدى
من 1 الى ملانهاية اعضاء
احبكم في الله جميعا
واتمنا ان اراكم واحد واحد عند رب العالمين
تحياتى لكم والسلام عليكم

Lion · 18-02-2007, 07:13 PM

جزاك الله خير اخي العزيز على هذا الموضوع الطيب ..
الصراحة نعم هنالك مجموعة من الأعضاء لهم مكانه خاصة واحب وافرح ! لقراءة مشاركاتهم ..
ولكن لااستطيع ان اذكر اسماء خوفا من انسى البعض لان اغلبهم اعضاء قدامى اختفو او قلت مشاركاتهم في المنتديات ..

mobtd2_msry · 18-02-2007, 09:47 PM

10

اقتباس: