استراتيجية حائط الصد - الصفحة 2

samtaq3 · 14-01-2007, 12:02 PM

صباح الفل يا شباب المنتدي الرائع

اشكركم علي سرعة استجابتكم و اسف للتأخير في الرد لاني بعد ماكتبت الاستراتيجية و كنت ناوي اكمل امثلة و شرح حصل ظروف و اضطريت امشي

انا هابدأ دلوقتي ارد علي كل الاسئلة

samtaq3 · 14-01-2007, 12:07 PM

اقتباس:

المشاركة الأصلية كتبت بواسطة muhammmad

can you please make an attachment with the indicators and template so that i can use it and have my thanks

في المرفقات المؤشرين المستخدمين و التيمبليت فقط

samtaq3 · 14-01-2007, 12:09 PM

اقتباس:

المشاركة الأصلية كتبت بواسطة نور المصرى

بعد إذن سامر باشا
دى الإستراتيجية

يا باشا انت براحتك و منورنا بنورك الجامد
بس انا مش محتاج غير مؤشر واحد من الاستراتيجية و مش محتاج الاستراتيجية نفسها
اساسا

samtaq3 · 14-01-2007, 12:11 PM

اقتباس:

المشاركة الأصلية كتبت بواسطة faissal

ايه رايك اخي سامر
بفرصة الباوند كانت صحيحه

كانت صحيحة مية في المية لكن الطلوع الفظيع دة كان بسبب اخبار يعني كنا هاندخل في المكان اللي انت مشاور عليه و نخرج قبل الخبر او نحط ستوب عند نقطة الدخول

samtaq3 · 14-01-2007, 12:14 PM

اقتباس:

المشاركة الأصلية كتبت بواسطة hadi75m

بالتوفيق يا دكتور سامر
سنتابعها معك ان شاء الله
بس عندى سؤال
هل تلعب الكره الطائره ؟

انت تنورنا يا باشا
انا في ديك الساعة او حتي فرخة الساعة انك تتابع معانا

بالنسبة للكرة الطائرة انا بحب اتفرج بس لكن ماليش في اللعب

samtaq3 · 14-01-2007, 12:16 PM

اقتباس:

المشاركة الأصلية كتبت بواسطة faissal

ايه رايك هل يمكن الدخول هنا رغم انه حائط الصد بعيد او موازي للشمعات
المخترقه الى الاعلى

لا هنا مش منطبقة الشروط
يعني لازم الحائط يكون بينه و بين الخط مش اكتر من 5-10 نقط حسب الزوج و سرعة حركته
و الخطوط اللي بنتكلم عليها هي بس 38 و بيفوت و 100 الباقي نشيله احسن

samtaq3 · 14-01-2007, 12:25 PM

الاخ سامى

اعتقد انة يجب ذكر مصدر الاستراتيجية وصاحبها اولا عند نقل اى شى من اى منتدى اخر

وذلك حفظا لحق ناشرها كما ذكر صاحبها وطلب ذلك ذكر اسم المنتدى دائما وصاحب نشر هذةالاستراتيجة
وهو الاخ
عمران[/quote]

بص يا صديقي انا اول حاجة كل اللي اخدته من الاستراتيجية هو مؤشر واحد هو البيفوت زون و قلت انه تبع استراتيجية موجو ممكن اكون ماقلتش اسم الاخ عمران لاني نسيت لان المؤشرات دي عندي من فترة طبعا انا خدتها من هناك بس انا نست اذكر اسمه و دي غلطة و اتمني انك تسامحني و هو كمان يسامحني
لكن بالنسبة لاسم المنتدي فدة طبعا ممنوع هنا و بالتالي مقدرش اذكره
كمان عايز اقول ان الاستراتيجية مختلفة اختلاف كبير عن استراتيجية الموجو
1-الاستراتيجية علي فريم الربع ساعة بينما هنا علي الساعة
2-الاستراتيجية تشترط فقط الاختراق فوق الحائط في اي اتجاه مع الاستعانة بالمؤشرات الاخري اللي انا مش بستعين بيها
3-احد تعديلات الاستراتيجية هي استخدام جميع خطوط الويكلي فيبو للاهداف و ليس للاستناد عليها فقط

لكن عموما انا بعلن اسفي مرة اخري لاني مخدتش بالي اني المفروض اذكر اسم الاخ عمران
و لو تحبوا الموضوع يتشال خالص ممكن تبلغ الادارة و تشيله و انا مش عندي مشكلة
انا كل هدفي اننا نستفاد كلنا

samtaq3 · 14-01-2007, 12:34 PM

اقتباس:

المشاركة الأصلية كتبت بواسطة ليالينا

السلام عليكم

من خلال متابعتى القليلة وجدت نفس المشكلة التى تواجهنا مع نقط الدعم والمقاومة

ان السعر يغلق فوق الحائط مثلا وينطلق بعد ها الى اسفل
والعكس تحت وينطلق الى اعلى

كيف اعرف ان الاغلاق صحيح وسوف ينطلق بعد كسر الساتر؟

انا هاقولك حاجة الفوركس دة لعبة احتمالات و نسب نجاح
يعني مفيش حاجة السعر بيلتزم بيها 100% لكن احنا بنحاول ندور علي حاجات احتمالات حدوثها صح اكتر من احتمال حدوثها غلط

يعني انا اخترت خطوط 38 و البيفوت و ال100 لان احتمال ارتداد الزوج منهم اعلي من 50%
و لان احتمال لما الزوج يغلق فو الحائط بعد اختباره او ملامسته انه يمشي في نفس الطريق اكتر من 50%
اذن لما ندمج الاتنين نسبة النجاح المتوقعة هاتكون اكتر من 75%
لكن كل دة مجرد كلام و العبرة بالتطبيق هانجرب و نشوف
و يارب ننجح في الطريقة دي
و ممكن نضيف شوية تحليل فني بسيط للموضوع يعني لو الاشارة موجودة لكن في وشنا مقاومة قوية اذن ماندخلش
خلاصة الكلام
الطريقة دي دعوة للتجربة و التطوير

samtaq3 · 14-01-2007, 12:36 PM

انا في انتظار اي اسئلة

و ان شاء الله انهاردة بالليل هانبدأ نجرب علي الديمو مع افتتاح السوق

Ahmed Essam Z · 14-01-2007, 01:52 PM

شكرآ على مجهودك وجزاك الله خير وبجد احنا بنستفيد

samtaq3 · 14-01-2007, 02:15 PM

اقتباس:

المشاركة الأصلية كتبت بواسطة Ahmed Essam Z

شكرآ على مجهودك وجزاك الله خير وبجد احنا بنستفيد

العفو و انا اللي بشكرك علي تشجيعك و يارب كلنا نستفاد

نور المصرى · 14-01-2007, 06:45 PM

اقتباس:

المشاركة الأصلية كتبت بواسطة samtaq3

يا باشا انت براحتك و منورنا بنورك الجامد
بس انا مش محتاج غير مؤشر واحد من الاستراتيجية و مش محتاج الاستراتيجية نفسها
اساسا

النور نورك ياباشا

لكن عموما انا بعلن اسفي مرة اخري لاني مخدتش بالي اني المفروض اذكر اسم الاخ عمران
و لو تحبوا الموضوع يتشال خالص ممكن تبلغ الادارة و تشيله و انا مش عندي مشكلة
انا كل هدفي اننا نستفاد كلنا
[/quote]

أنت راجل محترم

samtaq3 · 14-01-2007, 07:52 PM

اقتباس:

المشاركة الأصلية كتبت بواسطة نور المصرى

النور نورك ياباشا

لكن عموما انا بعلن اسفي مرة اخري لاني مخدتش بالي اني المفروض اذكر اسم الاخ عمران
و لو تحبوا الموضوع يتشال خالص ممكن تبلغ الادارة و تشيله و انا مش عندي مشكلة
انا كل هدفي اننا نستفاد كلنا

أنت راجل محترم[/quote]

اشكرك يا باشا دة بس من ذوقك

khaldonm · 14-01-2007, 09:02 PM

السلام عليكم
اله يجزيك الخير والله شئ جميل استخدام مؤشر PZ مؤشر الPZ هو الأهم بــ استراتيجية MOJO

الله يجزيك الخير

أنا من أول ماقرأت الموضوع قلت أنو بيشبه موضوع الأخ عمرا ن بس طلع مو هو لأنو طريقة الدخول مختلفة 100% الشئ الوحيد المشابه هو مؤشر PZ
الله يعطيك العافية ويفيدنا بأفكارك
وإنشاء الله بقدر تابع معكم بس المشكلة امتحاناتي بالجامعة لربما بعد الامتحان "يعني بآخر هذا الشهر"

samtaq3 · 15-01-2007, 01:19 AM

اقتباس:

المشاركة الأصلية كتبت بواسطة khaldonm

السلام عليكم
اله يجزيك الخير والله شئ جميل استخدام مؤشر PZ مؤشر الPZ هو الأهم بــ استراتيجية MOJO

الله يجزيك الخير

أنا من أول ماقرأت الموضوع قلت أنو بيشبه موضوع الأخ عمرا ن بس طلع مو هو لأنو طريقة الدخول مختلفة 100% الشئ الوحيد المشابه هو مؤشر PZ
الله يعطيك العافية ويفيدنا بأفكارك
وإنشاء الله بقدر تابع معكم بس المشكلة امتحاناتي بالجامعة لربما بعد الامتحان "يعني بآخر هذا الشهر"

اشكرك علي ذوقك و علي تشجعيك و ان شاء الله ربنا يوفقك في امتحاناتك و ان شاء الله تتابع معانا بعدها و اهلا بيك

أدوات الموضوع
مشاهدة صفحة طباعة الموضوع أرسل هذا الموضوع إلى صديق