فيه مضارب في سوق الاسهم السعودي
وكان عنده ببغاء يتكلم ..
مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ..
راعيه ضاق صدره .. وقرر ياخذ الببغاء لمدرب الطيور علشان يعدّله ..
راعي الببغاء للمدرب
شف لك صرفة مع هذا الببغاء .. كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني
قال المدرب : ما عليك .. خلّه عندي كم يوم ....
ولما راح راعيه .. جاب المدرب " سطل " مويه حارة .. وحطه قدامه .. وسأل الببغاء ..
: أنا مين ؟ !
قال الببغاء : أنت صديق الغبي ! ..
قام المدرب ونزله في المويه الحاره وطلعه
قال: أنا مين ؟
الببغاء : أنت صديق الغبي ..
وينزله في الموية مرة ثانية .. ثم يطلعه ..
: أنا مين ؟
.. وعلى هالحال .. حتى تربى الببغاء وتأدب
أخيرا .. قال له المدرب ..
: أنا مين ؟ !
قال الببغاء : أنت صديق أذكى واحد في العالم ..
ويوم جا راعي الببغاء .. قال المدرب : تفضل اسأله ..
قال راعي الببغاء .. : أنا مين ؟ !
قال الببغاء : أنت الذكي .. إلا أنت أذكى واحد عرفته في حياتي !
قال له راعيه : .. طيّب .. وإذا لعبت بفلوسي على كيفي ؟ !
قال الببغاء : .. هذي فلوسك .. من عرق جبينك .. تسوي فيها اللي تبي ....
قال : طيّب .. إذا دخّلت فلوسي عند " هابتكو " ؟ !
قال الببغاء : ممتاز .. حركة استثمارية في غاية الذكاء .. ومن أذكى واحد في العالم ....
: طيّب .. وإذا دخلت فلوسي عند " الجمعة " ؟ ..
: طبيعي .. تنويع استثماري .. من أذكى واحد في العالم !
: طيّب .. وإذا دخلت فلوسي عند " ابن حسن " ؟ ..
: ذكاء خارق .. وماشي مع الحكمة اللي تقول " لا تحط البيض في سلة واحدة " .. فعلا أذكى واحد في العالم !
: طيّب .. وإذا دخلت فلوسي عند " العيد " ؟ ..
: عادي .. وزي ما يقولون " حشر مع الناس عيد " .. صحيح إنك أذكى واحد في العالم ..
: .. طيّب .. وإذا دخلت فلوسي في الأسهم ؟ !
قال الببغاء : يا مدرب هاااات الموية ! .. قايلّك هذا أغبى واحد في العالم !!
للامانه منقــول
14-12-2006, 01:58 AM
الببغاء ونظرته في الاسهم 
