السلام عليكم
دعونى اولا اصنف الطريقة
فعلى راى صديقى الغالى ومحللنا محمد اسماعيل ان الطرق تنقسم الى تحليل فنى او اساسى او بطيخ
فهذه الطريقة ممكن ادراجها الى قسم البطيخ لكنها مجدية جدا
عموما احب انوه انه هناك اختلاف بين شخص واخر حول الترند يعنى قد يكون هناك ترند صاعد مرسوم على العملة مع وجود تكون قمم هابطة فيعتبره اشخاص انه مازال صاعد وهناك من يعتبره صاعد لكن اصابه الضعف ويميل الى الهابط
وهناك من يستخدم تقاطع المتوسطات للحكم على الترند مثل اخونا ابو حسام
وحتى اكون عمليا فى هذه الطريقة
اخترت المتوسطات لتكون هى الترند بالنسبة لى فى هذه الطريقة وهى متوسطى EMA 5 CLOSE + EMA 8 OPEN لانهم اسرع
انا حبيت بهذه الطريقة انى امشى مع الترند لكن يقابلنى شبح اسمه الاستوب لوس نحن هنا سنتعامل مع الفريم اليومى فسنحتاج الى استوب لوس عالى او نترك الاستوب ونجد له بديل وهذا ما فعلته هنا
احب اوضح ايضا انه لابد من حساب مصغر فى حدود 4000-5000 دولار لهذه الطريقة
الطريقة ستعتمد على 3 ازواج هم الباوند واليورو والفرنك طبعا يمكن التجربة على ازواج اخرى بنفس الطريقة
الطريقة هيكون العملة الاساس بالنسبة لنا هى الباوند بمعنى لو كان التقاطع هبوط يكون بيع للياوند وبيع لليورو وبيع ايضا للفرنك (التركيز هنا البيع للجميع او الشراء للجميع) طيب اللى هيسال تقاطع بيع للباوند واكيد اليورو غالبا زيه طيب ليه بيع للفرنك هقولك بكل بساطة هو بدل الاستوب
الطريقة انا عملتها باك تست من اول يناير الماضى الى امس الجمعة الطريقة محققة 3535 نقطة والباك تست من برنامج ال تريد
طبعا عملتها على اساس فتح الصفقة مع فتح اليوم واغلاقها مع اغلاق اليوم تسهيلا للباك تست
طبعا اغلاق الصفقة يرجع الى كل واحد ورؤيته للسوق يعنى مش لازم استنى اخر اليوم وهذا مثال بسيط عن يوم امس الجمعة
التقاطع كان هابط للباوند
دخلنا بيع للباوند من سعر افتتاح اليوم من 1.8758 والاغلاق كان 1.8721 يعنى بربح 37 نقطة للباوند وخسارة 27 للفرنك ومكسب 21 لليورو بمجموع ربح 31 نقطة
طبعا هيطلع حد يقولى 31 نقطة بس ايوه 31 لانه فى ايام بتوصل 240 نقطة واكثر خسارة كانت 197 نقطة
المهم النقطة اللى حبيت انوه هنا عنها انه كل واحد له رؤيتى ليه بقول كده لانه امس الجمعة ممكن يكون الربح اكتر من كده لانه اللو وصل الى 1.8634 بربح 124 نقطة وهتلاقى اليورو وصل اللو 57 نقطة والفرنك الهاى وصل الى 92 نقطة يبقى الصافى = 124+57-92 = 89 نقطة
طبعا 89 افضل من 31 وهكذا المهم الباك تست هنا من الفتح الى الاغلاق لكن بالملوحظة اللى فاتت هتكون النتيجة اكتر من 3535 بكثير على الاقل الضعف
انا عملت تجربة اخرى من باب لم الموضوع كامل بانى استخدم عملتين فقط ومرفق ايضا
اليورو والباوند وهنا الصفقة لو شراء باوند يكون بيع اليورو والنتيجة كانت ربح 1840 نقطة
اليورو والفرنك وهنا الصفقة لو شراء فرنك يكون شراء يورو والنتيجة ربح 432 نقطة
الفرنك والباوند وهنا الصفقة لو شراء باوند تكون شراء فرنك والنتيجة ربح 1462 نقطة
يعنى حالتنا الاولى هى الافضل على الاطلاق
نقطة اخيرة
ممكن تقولى هشترى باوند وهشترى يورو وهبيع فرنك
صح وهتكون النتيجة 3821 للباوند + 2073 لليورو + 2413 للفرنك = 8307 نقطة واكتر كمان حسب رؤيتك للسوق لكن لازم عامل حساب لو عكس السوق يوم من الايام ويكون حسابك يستحمل فى حدود 500 -600 نقطة بالسالب لكن اجمالا النتيجة ايجابية جداااااااااااا
والطريقة دى بعيد عن وجع الدماغ واللصقة امام الشاشة كتير وبعيد عن هم الاخبار والنفسية مرتاحة الى حد كبير
طبعا الطريقة مش نهائية وقد يكون هناك تحسينات وافكار اخرى
وننتظر ارائكم والنقد البناء
30-09-2006, 07:33 AM
طريقة خليك مع الترند 
