مساء الفل يا حبايبنا
سؤالي بسيط:
مين اللي يعطيك فرصة أكبر قبل زيارة المارجن كول 1:100 ولا 1:200 ولا 1:300 ولا 1:400؟

عاوز الصراحة يا عم وضاح؟
أنا مفهمتش ولا كلمة من اللي قاله خزائن في الرابط...
شوف حبسط عليك وعلى الاخون السؤال:
أنا دلوقتي حسابي فيه بالزبط 659 وعشرين سنت ورفعت المارجن إلى 1:400 وفتحت صفقة شراء كندي ين بعقدين صغيرين طبعآ والصفقة دلوقتي خسرانة خمس نقاط وبالمبلغ خسرانة تمانية دولار وتلاتة وخمسين سنت بالزبط؟
انا ضربت المسل الحقيقي ده عشان تتضح الصورة لأن كلام خزائن ان النقطة برافعة 1:400 بتتضاعف اربع مرات سواء ربح ولا خسارة محصلتش بالمسل الحي ده وده اللي لخبطني وانا كل هدفي ان انا ابعد عن المارجن كول بأي طريقة؟

اخبارك ايه يابسطويسى واخبار عم طه ايه ..ابقى سلم لى عليه .

الربح والخسارة يتوقف على عدد العقود وليس على الرافعة..ولكن الاخ خزائن يقصد ان الرافعة الاكبر تمكنك من فتح عقود اكبر وبذلك المكسب والخسارة تكون اكبر

يعنى لو الرافعة 100% وحتدخل ب10% من مبلغ 1000$ حتفتح عقد واحد
لكن لو كانت الرافعة 400% العقد الواحد بيكلف 25$ يعنى ب10% تقدر تفتح 4 عقود مش عقد واحد

لكن هذا المثال لا ينطبق عليك لانك لا تتاجر فى هذا المثال بنسبة معينة من راس المال وفى كل الاحوال الخسارة والمكسب يتحدد على اساس عدد العقود وانت فاتح عقدين بس يبقى مكسبك وخسارتك على قد العقدين بس

آآآآآآآآآآآآآآآآآآآآه فهمت
يقوللك مرة واحد زيي كدا فهم مات
تشكر يا عم طارق وحبقى اسلم لك على عم طه
شفت يا عم وضاح الكلام السلس البلدي بيوصل بسرعة ازاي (متزعلش بضحك معاك يا جدع هو انت الواحد ميعرفش يهزر معاه يا بيي)

الحمد لله انك فهمت