صباح الفل والأنس والجدعنة عليكو جميعآ يا أخوانا:

السؤال الأولاني: إزاي أقدر أخرج ببعض العقود وأسيب بعضها شغالة في الصفقة المفتوحة لأني دايمآ باسمع يقوللك أخرج ببعض العقود وسيب بعضها شغالة؟

السؤال التاني: لو فرضآ فتحت صفقة وخسرت في الصفقة خمسين نقطة مسلآ ولسا ما قفلتهاش وعرفت بتحليلي إن السعر حيرجع للهدف اللي أنا حاطه في الأساس فهل أقدر في الحالة دي أفتح صفقة جديدة وبنفس الهدف بتاع الصفقة الأولانية عشان لما يرجع السعر للهدف اللي أنا حاطه في الأساس أستفيد من الوصول للهدف وكمان أستفيد من الخمسين نقطة اللي رجعتني لورا بحيس يكون عندي صفقتين الأولى اللي أنا فاتحها في الأساس ولنفرض مسلآ إني كنت واخدها شراء على اليورو بسعر 2660 وحاطط لها هدف عشرين نقطة عند سعر 2680 ولما يرجع السعر للهدف حكون كسبت عشرين نقطة والتانية واخدها كمان شراء على سعر 2610 وحاطط لها نفس الهدف بتاع الصفقة الأولانية بحيس لما يرجع السعر أكون كسبت سبعين نقطة ولا حيجمعوهم بنفس الصفقة الأولانية طالما إن الصفقتين على نفس العملة وكلهم شراء؟


أخوكم وحبيبكم بسطويسي بزات نفسه يحدسكم

آه على فكرة أنا تبع برنامج التداول بتاع إف إكس سول

اضغط على كلوز راح يعطيك كم عقد بدك تقفله وانتا تكتب الرقم وبس .

السؤال الاول لو بتسأل عن الكيفية فالاخ مشارى رد عليك ولو ان بتهيألى انت بتسأل عن الهدف بتاعها

انا حتكلم عن السؤال الثانى وهو فعلا مافيش مشكلة خالص... ولو الامور مشت زى ما انت متوقع حتكسب 20 نقطة الهدف +50 نقطة اللى حيحصل عندهم ارتداد

لكن المشكلة الحقيقية فى المثال اللى انت اديته علشان تكسب 20 نقطة تغامر ب50 نقطة!!!!
فكرة الاستثمار ب10% من راس المال ممكن تكسب منها حتى لو كان عدد الصفقات الخاسرة اكبر من الناجحة لكن لازم يكون عدد النقط اللى حتكسبها من الصفقات الرابحة اكتر من عدد النقط اللى انت خسرتها من الصفقات الخاسرة.....حاول دايما يكون الهدف اكبر من الاستوب او على الاقل يساويه.
النصيحة الثانية ما تدخلش فى صفقة على صفقة لو كانت خسرانة لان فى الحالة دى انت بتغامر بين مكسب كبير او خسارة كبيرة وده بالنسبة ليا شىء مرفوض
بدام كده كده صفقة يبقى احسن فى حاجة تانية علشان تعملها حسابتها كاملة اما لو دخلت على صفقة خاسرة مش حتقدر تمنع نفسك انك تتاثر بالصفقة الاولى واللى هى خسرانة..



فى الصفقات الكسبانة ممكن تغامر فيها....اذاى

- تعمل ستوب متحرك كل ما السعر يروح عند الهدف زود الستوب لكن حافظ على فرق معقول..

-ممكن تستنى على العقود الكسبانة ولو انت متوقع ان ممكن تجيب اكتر افتح عقود تانية من اللى انت كسبته ...
- ممكن تقفل شوية عقود وتضمن ربحهم وتغامر بباقى العقود يمكن تكسب اكتر

كل كده بيعتمد على تحليلك واسلوبك
الامثلة اللى انا ادتهالك بتغامر ما بين مكسب قليل او مكسب كبير وكده كده كسبان باذن الله

ادارة راس المال مهمة جددددددااااااااااااااااااااااااااااااااااااااااااا اااااااااااااااا

هلا والله وغلا بالأخ العزيز بسطويسي

صباحك فل وعسل إنت فين مالك شوفة ؟

والله إلي مهون علي من خسائر الفوركس

هو مكاسب صحبة الأصدقاء أمثالك في هذا المنتدى

العامر بناس طيبة ولا نزكي على الله أحدا أحسبهم

كذلك والله حسيبهم

وحشتنا خفة ظلك , ومر على المنتدى بين الفينة والفينة

مرور الكرام ولا تقاطعنا و تطول الغيبات

تحياتي

معك طارق يتحدس..

يعنى ايه تبعهم...بتشتغل معاهم يعنى.....ولا ليك واسطة هناك

احب اهديلك بيت شعر من تاليف الاستاذ المتنبى وغناء الفنان عبده الحامولى

جنيه ايه اللى انت جاى تقول عليه.....ما غلبه الدولار وخلاص راحت عليه
اييييييييييييييييييييييييييييييييه

اسف القصيدة من الديوان الفوركسى لطه المزين برضه وغناء مطرب الشعب شعبولا

يا مرحب يا عم طارق وبهنيك على الملحمة القصائدية دي بس الغريبة ان انا عمري ما سمعت عم طه المزين بيدندن فيها وهو بيشتغل في قفايا
وبشكرك على النصايح الغالية دي يا مجدع
ومن حيس البرنامج انا قصدي الوسيط بتاعي هو اف اكس سول وحسابي حقيقي مش كروديا (ولا انا مش وش زلك ولا مش وش زلك ولا يعني كنت مش وش زلك)

أما عمنا الحيدري العسل والله ميشغلنيش عنكم غير الشديد القوي وربنا المعبود انا بحبكم
وبعدين ايه حكاية البرسيم اللي انت دايمآ بتحطه في نهاية مشاركتك انت كنت بتشتغل جنايني قبل ما تخش الفوركس؟

إيه ياعم بسطويسي البرسيم عندكم لونه أحمر وإلا إيه ؟

وإلا شكله شكل برسيم ؟ أمال الفراولة لونها أخضر ؟

ده ورد جميل ...جميل الورد

لمن يهديه حبيب لحبيب يكون معناه .....أكمل الفراغ

شوف الورود واتعلم

تحياتي

فكرتني بالزي مضى:


ساكن في حي السيدة وحبيبي ساكن في الحسين
وعشان انول كل الرضا يومات اروح له مرتين


الله يرحمك يا طلب

ازيك يا بسطويسى

شفت عم طه المزين بقى مشهور ازاى

وما يتشهرش ليه وهو المزين الخاص لبسطويسي زات نفسه

على رأيك