بالأمس ذهبت لبنك سامبا أريد تحويل مبلغ لحسابي في شركة اف اكس سوليوشن ، وكالعادة أذهب لتعبئة نموذج التحويل واحول وادفع رسوم التحويل 135 ريال + مصاريف مناولة 50 ريال تقريبا .

وفي مرات جربت أحول عن طريق الهاتف المصرفي وفعلا تمت الحوالة ودفعت نفس الرسوم السابقة .

هذه المرة قلت ليش ما أجرب التحويل عن طريق الصراف الآلي ؟؟؟ فذهبت للصراف وطلبت حوالة دولية فطلع عندي اسماء المستفيدين اللي حولت لهم من قبل ، ومن ضمنهم طبعا اف اكس سوليوشن . فاخترت الشركة وطلب مني ادخال المبلغ نقدا فادخلته ...... تمت العملية ورسوم التحويل 90 ريال فقط .


في البداية فرحت وبعدين فجعت لأني طلبت كشف حساب مختصر ولم تظهر العملية في الكشف ، سألت موظفيي البنك فقالوا يمكن لأنها لازم تمر على الفرع الرئيسي في الرياض (وأنا في جدة) . فذهبت ... وفي اليوم التالي لم تظهر العملية أيضا فزاد خوفي .

ولم أطمئن الا بعد أن وصلني في اليوم نفسه (اليوم التالي ليوم التحويل) ايميل من الشركة يقول أن الحوالة وصلت . الحمدلله .

بس طبعا طلبوا مني أن أرسل لهم بالفاكس صورة ورقة التحويل بالفاكس أو الايميل حتى يكون اثبات بالتحويل فأرسلته .......... وبهذا انتهت القصة .

ما استفدته من تحويل الصراف هو :
1- ارتحت من زحمة البنك وانتظار الدور .
2- ارتحت من تعبئة نموذج الحوالة ومن احتمال الاخطاء في رقم أو حرف .
3- رسوم تحويل أقل ووصول الحوالة في يوم واحد .
4- استطيع التحويل في أي وقت ومن أي مكان حتى لو البنك مقفل .


شكرا سامبا ،،،،،،،،،،،،،،، شكرا أف أكس سوليوشن



أنا حبيت أقولكم اللي حصل معاي ........ واللي يبغى يجرب يجرب ....... بس لحد يدورني اذا حصل خطأ

السلام عليكم
انا كنت في السابق احول عن طريق البنك العربي وكان ياخذ في الحواله 120 ريال
بس يوم رحت وحولت عن طريق شركة الراجحي اخذو مني عن الحواله 60 ريال والحمدلله وفرة نصف قيمة الحواله السابقه وانا اشوف شي طيب في هذي الايام في شركة الراجحي حطو مكتب خاص في نفس الشركة للسعودين ودايم فاضي وكذا انا اشوف ايذا كنت بتحول ما تصطول في التحويل
ولكم مني جزيل الشكر

باستطاعتك تحويل عشرين الف ريال كحد اقصى من الصراف اوعشرة الاف ريال عن طريق الانترنت من بنك سامبا لكن يجب عليك تعريف حساب المستفيد اما عن طريق الانترنت تضغط على تعريف حسابات دوليه و تدخل بيانات المستفيد كامله من رقم حساب واسم البنك والدوله والسويفت كود ويتعرف خلال ساعات ويمكنك التحويل بسهوله او سامبا فون وتقول للموظف ارغب بتعريف حساب دولي وهو سوف يساعدك0 دون اي مشاكل والرسوم 90 ريال

تجربة رائعة !!

ماستر كارد البنك الاهلي الانترنت وبس لارسوم حوالة ولا شي وتحول وبعد ربع ساعة يقولك وصلت الحوالة ..

لاتكاليف ولا حاجة اللهم بس 200 ريال في السنة حقت الماستر كارد وحقت بطاقة الانترنت التجارية

من عيوني

ياحبيبي شوف , تروح اي فرع للبنك الاهلي وتقولهم ابي اطلع بطاقة ماستر كارد الاسلامية .

راح يجيبون لك ورقة تعبي بيانات ومن بين هذه البيانات مكتوب اذا تبي بطاقة التجارة الالكترونية,

تضع اشارة على البطاقة الالكترونية وبطاقة الماستر كارد الاسلامية .


وبعد اسبوع او اسبوعين انشاء الله البطاقتين جاهزة لكن اهم شي يالغالي لازم يكون اسمك
اللي في بطاقة الماستر كارد نفس اسمك اللي على شركة التداول. ( سبلينج )


بالتوفيق اخي الكريم