فى يوم من الأيام طلب السلطان من جحا أن يقوم بتستيب لينكس على سيرفر (القصر الصينى)
فسأله جحا فى دهشة :لماذا أيها السلطان ,مع أن ويندوز إكس بى و سيرفر2003أكثر من رائع خصوصا بعد سيرفس باك تو
قال السلطان:لأن اللينكس أوبن صورص , و معظم برامجه مجانية
فقال جحا بسرعة :قال يعنى انت بتدفع من جيب أبوك !
كله شغال بالكراكات و السيريالات
وكمان هنختار ايه عشان نصطبه على سيرفر القصر الصينى ..
فيه مليون نوع ونوع ونوع
قال السلطان : أنا قررت نعمل قرعة بين اللينوكسات و الكسبان نصطبه على الجهاز سواء كان (صوصى),(ضيبيان )أو (فيه درة) أو أى عفريت أزرق
<<<<<ملحوظة>>>>>
لم تكن اللغة الإنجليزية معروفة فى هذا الوقت
قال جحا : انت نسيت السيرفر اتفرمط كام مرة و المشاكل اللى مش عارفين نحلها فيه؟
قال السلطان :بس اللينكس برضه أكثر أمن و استقرار و بيتعامل أحسن مع الهارد وير .
رد جحا :مين بس قال كده , اللينكس على فكرة بقى .. بيسخط الهاردات
أعرف واحد صاحبى كان عنده هارد 80 ,دلوقتى بقى 5 جيجا , ده غير انه مش بيعرف الموتورولا
قال السلطان :الصراحة كل ده مش مشكلة عندى ,لأن اللى عاجبنى فى اللينوكس هو منظره و شكل الديسك طوب و الإسكرين صيفر
<<<<<ملحوظة>>>>>
لم تكن اللغة الإنجليزية معروفة فى هذا الوقت
قال جحا : انت نسيت و اللا إيه يا سلطان ,نسيت الشاشة الحمرا بتاعة فاطمة والغامقة اللى مش عارفين نلعب عليها ريد اليرت
و ايه رأيك فى الفرح اللى حصل فى شاشة عرابى ,مش كله بسبب اللينوكس؟
احمرت عينا السلطان و قال بصوت ممزوج بالبكاء :يا خراب بيتك يا سلطان,يا خراب بيتك يا سلطان ,المشكلة إنى حلفت إن الشاشة الفلات الجديدة مش هتشتغل إلا وعليها لينوكس , أعمل إيه يا جحا , أعمل إيه .
فكر جحا قليلا ثم قال : متخافش يا سلطان أنا هتصرف ثم ذهب ناحية غرفة السيرفر
وهو يجرى ويجرى ويجرى
و مضت الساعات و جحا بداخل الغرفة و فجأة ....
خرج جحا و أخذ يصيح و يجرى فى أنحاء القصر الصينى و يقول :وجدتها وجدتها ,وجدتها وجدتها
هرع إليه السلطان و قال :أرنى بسرعة ماذا فعلت
فأخذه جحا إلى غرفة السيرفر
نظر السلطان إلى الشاشة ثم قال و هو مبهور : را ئع يا جحا رائع ,عملتها إزاى
قال جحا بفخر : أنا نزلت شوية ثيمز وخلفيات و صور عشان أخلى الويندوز يبقى نفس شكل اللينكس بدل ما أستب اللينكس و العياذ بالله
لأن تستيب اللينكس صعب جدا
<<<حقيقة علمية>>>
قال السلطان فى فرحة :أنت عبقرى يا جحا
و على الرغم من ظهور رسالة "سوف يقوم الويندوز بعمل ريستارت خلال 30ثانية"
*فيروس*
إلا أن السلطان خرج من الغرفة يرقص و يغنى و هو راضى تماما عن الويندوز