السلام عليكم ورحمة الله وبركاتة
من فترة طويلة وأنا ما كتبت شئ فى المنتدى
هذا الموضوع ينطبق على وعليك ومش عارف مين تانى لسة
وأنا غير مسؤل لو ينطبق على حد تانى معانا فى المنتدى هو عارف نفسه
مش عارف أبدء من فين الحكاية بس يا جماعة أنا مدمن فوركس
قلبلى بيرقص وأنا بشوف الموجه والأرقام بتتحرك
فى العربية فاتح الاب توب
فى الحمام سعيد مع الموبيل
كأنها واحده جميلة مغرم فى حبها
المشكله الكبيرة مراتى زهقت خلاص وشايفة أن ليها ضرة
أحلامى أرقام فى أرقم وشارتات
تليفوناتى كله ( ألحق أحنا طالعين ...... ألحق أحنا نازلين .... شفت خبر البوند ..... ألحق الفايده يمكن تنزل ...... ألخ )
حتى تريشية زارنى فى المنام وأتكلمت معه
وبعدين أنا مدمن
بشوف كل حاجه أرقام
لدرجه أن نسب فيبوناتشى بحسب عليها معدل كل حاجه
قلت يا واد خد أجازه أنت ومراتك وريح نفسك
توكلت على الله بعزيمة قوية وسيبت اللاب توب فى البيت
وقلبى بيتقطع
أكنى سايب عيل من عيالى ومسافر
برده لازم جرعه فوركسية فى الأجازه
أحاديث عن السوق
كلام على الترندات
مش قادر
كنت قاعد فى كافيه ولقيت واحد فاتح اللاب توب قولتله لوسمحت أبص على حاجه
وطلع بسلامته فوركسجى برده
سيبت الوليه والعيال أديها
الجرعه مهمة
طبعاً مش عاوز أقول أنا نمت على الكنبه يوميها
هاهاهاهاهاها
ومع ذلك كنت سعيد
المشكله الكبيرة فى الواد كوكو أبنى ( 10 سنوات )
مصيبة
الواد طلع شغال على ديمو أكونت
وعامل أستراتجية مسميها ( كوكو واوا )
وكسبان الواطى ( مع أحترامى لكوكو )
كنا فاكرينه بيلعب جيمز فى غرفته
طلع شغال ومديها حقن فوركس زى أبوه
رحت لدكتور نفسى
حكيت ليه وقلت له أنا ضعت
و كوكو كمان فى السكة يا دكتور
الولية زهقت والبيت حيخرب
قالى معلش أنت بتعمل شغل وسيطر على نفسك
لازم تقلل من الشغل شوية وتاخد بريك
قولت أوكى
تصدقوا الدكتور كلمنى بعد يومين
قلت الراجل ما قصر بيطمن على
طلع بيسئلنى على أحوال الكيبل والمجنون
يا نهار أسود هو كمان فوركسجى
أروح لمين
النت فى كل مكان والموبيل فى أديدينا على طول
والشيطان شاطر
يغريك بصفقه تفتحها وعليه العوض
مش عارف أعمل أية
ألحقونى
أنا مش مسؤل لو الموضوع ده ينطبق على أى أحد من الأخوه فى المنتدى وأكيد كلنا الفوركس مأثره على بيوتنا ليس ماديناً فقط ( الخسارة لاقدر الله ) وأنما نفسياً وأجتماعياً
مشكله لازم نشوفلها حل
حد يعمل تحليل للموقف ولا يقول توقعات بسرعه
سلام عشان ميعاد الجرعه قرب والخبر على ظهور
إذا كنت تظن أنك حر فأنت مخطئ فهناك من هو له حقوق عليك