مااقول الا الله يرحم مزنه بس

الحين الاتصالات السعودية خسرت العالم من انقطاع الاتصالات او التعليق اثناء التداول وانا اول المتضررين منها

تبي شركات تحط خدمة تداول عندهم مااضنتي والله

خلينا في الموضوع

اعتقد انه فيه شركة في جده لاحد الامراء وطلعت وهميه بالاخير وارح فيها من راح الله يعوضهم بس

واذا بتنتضر شركة سعودية معترف فيها من الهئيه وعندها برنامج تداول فردد ياليل مطولك.

وبعدين تعال وش المشكله اذا كان تحويل بالعكس عادي وماتاخذ من وقتك كثير خذلك بطاقة ذهبية ورز بالبشت طال عمرك وانت طفران راس مالك البشت والبطاقة الي متسلف حقها عشان يعطونك البطاقة الذهبية حقت رجال الاعمال ابد وتك عند المدير وماتخلص بيالة الشاهي الا وانت مخلص تحويل . واطمر وانا اخوك الي اقرب كبينه عندكم في الحاره فيها فاكس بس نزل البشت لايرفسك حق الكبينه يقول بشت وماعنده فاكس وارسل لهم الي تبي سواء سحب او غيره . وريح نفسك من النصب وغيره والله اتعب في التحويل وغيره ولا تروح دراهمي بالنصب قهر ولك اخوي في بطاقات سواء عبره .

وبعدين ذكرتني علي طاري الاتصالات يقولون في الهند وهي الهند كم عدد سكانها يقولون عندهم انترنت برخص التراب وبعدين مايعلق مثل ربعنا الي له سنه ينتضر خدمة الدي سي ال ومابعد جاته لا والي جاته بعد فرحان هو وجهه بالسرعه وبالاخير يعلق عنده يخسر كل شي والله يااخوان اني بس يوم الجمعه علق معي وخسرت 3000 الاف ريال سعودي بسبب التعليق والي قاهرني بعد اتصل فيهم اقول ياناس خسرتونا يقولي الموضف والله المشكله من البنك حققك يعلق عندهم البرنامج قلت الله يرحم ام جابتك اخوي هاذي بورصه بثانيه يرتفع السعروبثانية ينزل السعر وتقولي برنامج تداول البنك وبعدين تعال انت وخشتك انا اقولك الاتصال علق معي تقولي البنك شفت ان ماعندك ماعند جدتي والله لو ترووح تشتغل شريطي بحراج الغنم حق الثقبه انه اصرفلك . والله الاتصالات يلهفون من خلق الله الدراهم ومعليهم من الخدمه لان مافيه منافس لا واذا جاء منافس قامو يتشرطون . والله اخر شي قلت اكل رز مع الناس واسكت احسلي لا والله يشولوني لا ابو زعبل .

يالله اليوم سبت الواحد يفضفض شوي من هم البورصه ويريح نفسه وايخذ العزبه حقته مع السمر والخيمه الي منتفه لها سنه وهي منطوله بالحوش من الشمس ويروح للبر ويغير جوو وينساء الناس ويعلق دجاجه الوطنيه مقاس 1200 علي طنب الخيمه ويسلخ فيهالين تخلص
ولا وزه علي قولت اخواننا المصريين .

اه ذكرت الا المصريين وين يروحون ماعندهم بر يروحون علي شارع الحب في النيل ياعيني علي شارع الحب

عندنا هنا شارع الحب ومستانسين فيه بس ياويلك لو تجي عزوبي عزالله الي رحت فيها .

عموما انا قااعد اهذر من اليوم وعسااء مااكون ثقلت عليكم

ولكم مني اجمل وارق واعذب تحيه

واسف علي الاطاله