اقتباس:
|
المشاركة الأصلية كتبت بواسطة fantazia
2- سبب خسارتي عدم التفرغ (ابدأ الساعة 2 بتوقيت مكة) بس متفرغ الخميس واغلب الجمعة عدم التفرغ |
اخوي فنتازيا حياك الله ...
عندي لك حل ولكل اللي مو متفرغين زي ما يقولون .... وطريقة جيدة وممتازة وانا جربتها شخصانيا ونجحت ...
الحل لعدم التفرغ هو التحليل الجيد للسوق ووضع الأوامر مع حمايتها (اقصد لمت وستوب لوز )
صدقوني يا الربع انها افضل طريقة واحسن من انك تقعد قدام الشاشة تتابع الأسعار ويرتفع ضغطك على الفاضي وفي النهية اما انك تقفل العملية وتقول خلاص خسران خسران او انك تبعد اللمت والستوب لوز وبالتالي تخرب كل شي سويته في تحليلك ... يعني ما كأنك حللت ..وهذي صارت لي ... سافرت لمنطقة بعيدة .... وما كنت اقدر اقعد قدام الاسعار ...
المهم كنت احلل قبل ما اسافر ... حللت تحليل ما بعده ... واخذته معي .. وكل شوي اتصل على الشركة واشوف كم وصل السعر واحط الأوردر حقي مع اللمت والتوب لوز واناااام مرتاح البال .. طبعا اول مرة جت معي صح .. بس كنت مرتبك لأني اول مرة اجربها .. ثاني مرة صح ... بعدها صدقوني ارتحت نفسيا بدل من الغثا والقلق قدام الاسعار ... طبعا اكيد كان فيه خساير لكن مو هذيك الخساير الكبيرة لأني عارف انه لو نزل عن هالمستوى مان راح ينزل اكثر .. وحمدت ربي على هذا ....
وفيه نقطة لاااااااازم تنتبهون لها .... الا وهي:
* اعرف كم تبي من السوق (يعني حدد هدفك من الربح) يعني انت شايف انه بيطلع مية وخمسين نقطة ... انت خذ منها مية وعشرين ... لا تاخذها كلها وتطمع .. يمكن ما تجي المية وخمسين .. وتروح عليك العملية بخسارة ... مو شرط تربحها كاملة ... اليوم ميو وعشرين وبكرة زيها ........ وكل هذا راح يكون اساسه التحليل الفني ...
وأعيد النقطة مرة ثانية ...
حدد هدفك قبل دخول السوق